Traité vun Oochen (1668)
![]() |
Dësen Artikel beschäftegt sech mat Traité vun Oochen vu 1668. Fir aner Traitéen, déi do ënnerschriwwe goufen, kuckt wgl. Traité vun Oochen. |
![](http://upload.wikimedia.org/wikipedia/commons/thumb/0/00/Map_Peace_of_Aix_la_Chapelle_%28German%29.png/220px-Map_Peace_of_Aix_la_Chapelle_%28German%29.png)
![](http://upload.wikimedia.org/wikipedia/commons/thumb/8/8b/Paix_conclue_%C3%A0_Aix_la_Chapelle_1668_Ceiling_Hall_of_mirrors_Versailles.jpg/220px-Paix_conclue_%C3%A0_Aix_la_Chapelle_1668_Ceiling_Hall_of_mirrors_Versailles.jpg)
![](http://upload.wikimedia.org/wikipedia/commons/thumb/d/d2/Louis14-1668.jpg/170px-Louis14-1668.jpg)
Den Traité vun Oochen (och: Friddensvertrag vun Oochen oder Éischte Friddensvertrag vun Oochen) war en Traité, deen den 2. Mee 1668 zu Oochen (fr.: Aix-la-Chapelle) ofgeschloss gouf, a mat deem den Devolutiounskrich tëscht Frankräich a Spuenien op en Enn bruecht gouf. E war duerch d'Tripelallianz vun England, der Republik vun de Siwe Vereenegte Provënzen a Schweden vermëttelt ginn.
De franséische Kinnek Louis XIV. huet virun allem missen d'Franche-Comté, déi e grad eruewert hat, u Spuenien zréckginn. Hien huet awer dierfen eng ganz Rëtsch befestegt Stied an de Spueneschen Nidderlande behalen.
Oflaf[änneren | Quelltext änneren]
D'Friddensverhandlungen hunn de 25. Abrëll 1668 zu Oochen ugefaangen. Spuenien huet missen agesinn, datt et vun der Tripel-Entente net vill z'erwaarden hat, huet schlussendlech der Propos déi um Dësch louch, noginn, an dem Traité zougestëmmt
Inhalt[änneren | Quelltext änneren]
Nom Artikel 3 dierf Frankräich déi eruewert Stied an der Grofschaft Hainaut, déi et dat viregt Joer eruewert hat, behalen: Charleroi, Binche, Ath, Douai mam Fort Scarpe, Tournai, Oudenaarde, Lille, Armentières, Courtrai, Menin, Bergues a Furnes.
Nom Artikel 5 goung d'Franche-Comté hannescht u Spuenien. Déi franséisch Truppen hu sech missen aus dem Rescht vun de Spueneschen Nidderlanden zeréckzéien.
Ausbléck[änneren | Quelltext änneren]
Well déi zwielef befestegt Stied franséisch Enklaven an de Spueneschen Nidderlande waren, war et fir Spuenien ewell méi schwéier, dës ze verdeedegen. Fir de Louis war den Oochener Fridde just e Provisorium, goung et ëm dach drëms, och de Rescht vun den Spueneschen Nidderlanden z'erueweren. Och méich dat et him méi einfach, fir géint d'Vereent Nidderlännesch Provënze virzegoen. D'Tripel-Entente déi de Fridde garantéiere soll, ass schonns dat Joer drop ausenreegebrach.
Literatur[änneren | Quelltext änneren]
- Hasse: Aachner Friedensschlüsse 1). In: Johann Samuel Ersch, Johann Gottfried Gruber (Hrsg.): Allgemeine Encyclopädie der Wissenschaften und Künste. 1. Sektion, 1. Bd. (1818), S. 10.
- Christa Mack: Aachener Friede, 2. Mai 1668. In: Gerhard Taddey (Hrsg.): Lexikon der deutschen Geschichte. Ereignisse, Institutionen, Personen. Von den Anfängen bis zur Kapitulation 1945. 3., überarbeitete Auflage. Kröner, Stuttgart 1998, ISBN 3-520-81303-3, S. 1.