Chihiro

Chihiro (op Japanesch: Sen to Chihiro no Kamikakushi) ass en Anime-Film vum Hayao Miyazaki vu Studio Ghibli. En handelt ëm en ongeféier 10 Joer aalt Meedchen, d'Chihiro, dat (esou ähnlech wéi d'Alice in Wonderland) an eng Märchewelt geréit. Nodeems et sech, duerch di Epreuven déi et hei besteet, weiderentwéckelt huet, fënnt et de Wee zréck an d'Realitéit. De Film ass geduecht fir symbolesch den Iwwergang vun der Kandheet an d'Jugend ze behandelen.