Ethik

Vu Wikipedia
Wiesselen op: Navigatioun, sichen
Philosophy template.gif Dëse Philosophiesartikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

D'Ethik ass ee vun deene groussen Deelgebidder vun der Philosophie a befaasst sech mat der Moral, haaptsächlech wat hir Begrënnbarkeet ubelaangt. D'Ethik - an d'Disziplinnen, déi vun hir ofgeleet sinn, z. B. Rechts-, Staats- a Sozialphilosophie - gëtt och als „praktesch Philosophie“ bezeechent, well se sech mam mënschlechen Handele befaasst (am Géigesaz zu der „theoretescher Philosophie“, zu deenen d'Logik, d'Erkenntnistheorie an d'Metaphysik als klassesch Disziplinnen gezielt ginn).

De Begrëff „Ethik“ kënnt vum algriicheschen ἠθική (ἐπιστήμη) ēthikē (epistēmē) „d'sittlecht (Verständnis)“, wat sengersäits vun ἦθος ēthos „Charakter“ kënnt. Den Cicero huet als éischten êthikê mat dem sengerzäit neie Begrëff philosophia moralis iwwersat, deen zanterhier an der laténgeschsproocheger Philosophie benotzt gouf.