Vëlospist PC1
 | |
 Schëld zu Fenteng | |
| Alternativen Numm | Itinéraire cyclable du centre |
|---|---|
| Lëtzebuerger Numm | Zentrumspist |
| vu(n) | Gronn |
| op | Gronn |
| Längt | 43 km |
| déifste Punkt | Beggen |
| héchste Punkt | Biergerkräiz |
| Land | Lëtzebuerg |
| OpenStreetMap | Vëlospist PC1 |
 | |
D'Vëlospist PC1 (och nach Zentrumspist, Itinéraire cyclable du centre[1]), ass eng vun de 40 Vëlosstrecke vum nationale Reseau zu Lëtzebuerg[2].
Streck[änneren | Quelltext änneren]
Aktuell[3][änneren | Quelltext änneren]
D'PC1 ass 43 km laang a féiert vum Gronn aus an engem Bou ëm d'Stad Lëtzebuerg nees dohinner zeréck. Den déifste Punkt (230 m) ass zu Beggen an den héchsten (375 m) um Biergerkräiz. Mat Ausnam vun e puer Deeler op der Kockelscheier (2,9 km) an am Bambësch (6,1 km) ass se iwwerall macadamiséiert.
Zanter dem 25. Mäerz 2022 leeft d'PC1 tëscht Beggen an dem Raspert zu Dummeldeng op enger Streck vu ronn engem Kilometer net méi iwwert d'Strooss, ma iwwert e sonnere Wee fir Foussgänger a Cyclisten[4][5].
Se féiert laanscht oder duerch follgend Uertschaften (am Sënn vun der Auer): Lëtzebuerg-Gronn, Polvermillen, Gantebeensmillen, Izeger Stee, Hesper, Fenteng, Kockelscheier, Zéisseng, Märel, Belair, Stroossen, Reckendall, Bambësch, Biergerkräiz, Juegdschlass, Beggen, Dummeldeng, Eech a Pafendall.
Geplangt[6][änneren | Quelltext änneren]
Déi geplangt Streck vun der PC1 geet um Kierchbierg (Luxexpo) fort a bedéngt d'Pôle-d'échangë Rout Bréck - Pafendall, Gare Centrale, Lycée Bouneweg, Houwald a Cloche d'or. Se kritt Uschloss u follgend Pisten:
- PC2 um Kierchbierg
- PC15 um Pôle d'échange Rout Bréck - Pafendall
- PC13 a PC33 an der Uewerstad
- PC104 op der Gare
- PC31 zu Bouneweg
- PC11 a PC15a um Pôle d'échange Houwald
- PC31 a PC103 op der Cloche d'or.
An der Géigend vum Lycée Vauban ass eng Niewestreck 1a virgesinn, déi en Uschloss un d'PC33 an der Aktivitéitszon Cloche d'or erméiglecht.
Uschlëss[änneren | Quelltext änneren]
Aner Pisten[änneren | Quelltext änneren]
D'Zentrumspist huet aktuell[3] ënnerwee Uschlëss un aner Pisten (am Sënn vun der Auer):
- tëscht Hesper an Alzeng ass en Uschloss un déi zukünfteg Pist Charly Gaul (PC11) virgesinn
- op der Cloche d'or an zu Zéisseng kënnt een op d'PC9 (Pist vun de Minettsvirstied)
- zu Stroossen huet se Uschloss un d'Pist Nicolas Frantz (PC13)
- zu Beggen nieft der neier Foussgängerbréck ass den Uschloss un d'Uelzechtpist (PC15)
- zu Dummeldeng ass eng Verbindung op d'Iechternacher Pist (PC2).
Bemierkungen[änneren | Quelltext änneren]
Biller[änneren | Quelltext änneren]
-
Um Depart am Gronn -
,_Kohlenberg_(102).jpg)
Um Spaweck[änneren | Quelltext änneren]
| Commons: Vëlospist PC1 – Biller, Videoen oder Audiodateien |
- Iwwersiichtkaart (2024) mat de Vëlospisten (PDF), op der Websäit vu Luxembourg for Tourism (visitluxembourg.com)
D'Vëlospist PC1 op:
- der Internetsäit vu Luxembourg for Tourism (visitluxembourg.com)
- der Internetsäit vu Ponts et chaussées
Referenzen an Notten[Quelltext änneren]
- ↑ esou genannt am Artikel 4 vum Gesetz vum 28. Abrëll 2015; mat der Ännerung vum 20. Dezember 2019 ass déi Bezeechnung ewech gefall an d'Vëlospist gëtt just nach mat der Nummer ernimmt.
- ↑ Loi modifiée du 28 avril 2015 relative au réseau cyclable national et aux raccordements de ce réseau vers les réseaux cyclables communaux op legilux.lu, gekuckt den 1. Juni 2024
- ↑ 3,0 3,1 op Basis vum Gesetz vun 2015
- ↑ Frank Weyrich, Sicher mit dem Rad unterwegs, Luxemburger Wort vum 24. Mäerz 2022
- ↑ (fr)PC du centre: le kilomètre supplémentaire qui change tout !. travaux.public.lu (2022-03-25). Gekuckt de(n) 2024-06-02.
- ↑ am Kader vum Gesetz vun 2019