Wolwener Klaus

Wolwener Klaus
Aussprooch
Land	Lëtzebuerg
Kanton	Réiden
Gemeng	Rammerech
Buergermeeschter	Toni Rodesch (CSV)
Koordinaten	49° 49’ 52’’ N       05° 46’ 42’’ O

D'Wolwener Klaus ass e Lieu-dit zu Wolwen an der Gemeng Rammerech.

Geographie

D'Wolwener Klaus läit um CR311 am ëstlechen Agank vu Wolwen.

Geschicht

Op der Plaz vun der Kapell stoung fréier d'Parkierch vu Wolwen, un déi eng Klaus ugebaut war a vun där d'Plaz den Numm huet. D'Kierch an d'Klaus goufe 1783 ofgerappt. 1908/09 gouf op de Fëllementer vun der fréierer Kierch eng Kapell gebaut.

Kuckeswäertes

An der Kapell steet en Altor mat enger Piéta a ronderëm stoungen hëlze Statue vun de 14 Nouthëllefer. Dës Statue sinn haut an der Kierch vu Pärel um Duxallsgelänner festgemaach. An der Kapell sinn haut Porcellainsreliefer vun den Nouthëllefer. Nieft der Kapell stoung nieft anere Beem bis 2014 och eng ural Bich, ëm déi sech eng Legend dréint, déi sougenannt Wolframsbich.

 Méi Informatioun doriwwer am Artikel: Buch op der Wolwener-Klaus.

Hanner der Kapell steet e Weekräiz aus Schifer vun 1831.

Gallerie

• 
  Banneraum vun der Wolwener Klaus 2020
• 
  Wolwener Klaus 2020
• 
  D'Kapell op der Wolwener Klaus mat der Wolframsbich dernieft
• 
  Weekräiz hannert der Kapell

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Wolwener Klaus – Biller, Videoen oder Audiodateien