Charles Collart
| Charles Collart | |
|---|---|
| Gebuer | 12. Februar 1829 |
| Gestuerwen | 15. Juni 1910 |
| Nationalitéit | Lëtzebuerg |
| Aktivitéit | Politiker, Schmelzhär |
| Famill | |
| Papp | Charles Joseph Collart |
| Geschwëster | Jules Collart |
 | |
De Charles Collart, gebuer den 12. Februar 1829 zu Dummeldeng, gestuerwen de 15. Juni 1910, war Schmelzhär zu Dummeldeng.[2] Hien huet am Dummeldenger Schlass gelieft.
Hie war Schäffe vun der Gemeng Eech a spéider Deputéierten an der Chamber.
Mat sengem klenge Brudder Jules huet hien d'Gesellschaft Charles & Jules Collart gegrënnt, déi 1856 d'Stengeforter Schmelz iwwerholl huet. D'Gesellschaft huet och Minièren zu Esch-Uelzecht exploitéiert.
Méi Informatioun doriwwer am Artikel: Al Schmelz.
De 17. Mee 1854 gouf hien zu Walfer mat der Henriette d'Anethan (1832-1908) bestuet.
1872 huet de Charles Collart mat sengem Brudder d'Société Anonyme des Hauts-Fourneaux de Rodange matgegrënnt. 1884 war hie President vum Verwaltungsrot.
No sengem Doud gouf d'Gesellschaft a Jules Collart & Cie ëmbenannt.
Seng Eltere waren de Jean Carl Joseph Collart (1775-1841) an d'Anne-Marie Laval (1801-1882).
Kuckt och[änneren | Quelltext änneren]
Referenzen an Notten[Quelltext änneren]
- ↑ Wou hien da Charles-Joseph heescht...
- ↑ "Né le 12 février 1829 - Dommeldange (Gd-Duché-du-Luxembourg) / Décédé le 15 juin 1910, à l'âge de 81 ans / Maitre de forges au Luxembourg / Parents: Charles-Joseph COLLART de DOMMELDANGE 1775-1841 & Anne-Marie LAVAL 1801-1882 / Marié le 17 mai 1854, Walferdange (Gd-Duché-du-Luxembourg), avec Henriette d'ANETHAN 1832-1908" Text vu geneanet.org