Alzheimer

Vu Wikipedia, der fräier Enzyklopedie.

D'Alzheimer-Krankheet (Morbus Alzheimer) ass eng Demenz-Krankheet (lat. demens, "duercherneen") vum Gehir, déi sech virun entwéckelt an déi haaptsächlech am Alter optrëtt. Si ass gekennzeechent duerch d'Ofhuelen vum Gediechness a vun der Gehirtätegkeet. Dës Krankheet fänkt u matt enger Vergiesslechkeet déi ëmmer méi grouss gëtt, déi am Ufank zoufälleg schengt, mee déi weider zouhëlt an zum Verloscht vum Verstand féiert. Virum Alter vu 65 geet vun enger präseniler Demenz (PDAT) Rieds, no dem 65. Liewensjoer vu seniler Demenz vum Alzheimer Typ (SDAT).

1906 huet den Dokter Alois Alzheimer un der Patientin Auguste Deter fir t'éischt dës Krankheet diagnostizéiert an nogewisen datt se physiologesch a net psychologesch bedéngt ass. Ongeféier zur gläicher Zäit huet den Dokter Oskar Fischer , deen un der psychiatrescher Klinik zu Prag praktizéiert huet, dës Krankheet beschriwwen. Den Numm Alzheimer-Krankheet huet den Emil Kraepelin a sengem Lehrbuch der Psychiatrie (1911) hir ginn.

Et kënnt zur Degeneratioun vu bestëmmten Neuronen an doduerch zu enger Stéierung vun den normalen zerebralen Fonktiounen, wat bei Patienten zu Stéierunge vun der Sprooch, vum Denkprozess a vum Gediechtness féiert. D'Gehirmass hëlt am Verlaf vun der Krankheet of; dat heescht ët kënnt zu enger Atrophie vum Gehir.

Inhaltsverzeechnis 1 Symptomen 2 Therapie 3 Literatur 3.1 Um Spaweck

[Änneren] Symptomen

De Verlaf vun der Alzheimerkrankheet ass schlaïchend. Si fänkt normalerweis matt liichte Gediechnesstéierungen un (z.B. de Patient vergësst Rendez-Vous'en oder seng Commissiounen ze maachen ).

Duerno kommen Orientéirungsstéierungen (de Patient wees z.B. nët méi wéi hien op déi Plaatz komm as wou hie graad steet ); ausserdeem ginn ëmmer méi Alldagsfähegkeete vergiess (klassech Symptome sinn z.B. datt de Betraffenen net méi wees wéi een d'Télé umécht oder wéi ee mam Telefon ëmgeet, et kann awer och sinn datt hie seng Wäsch an de Baackuewen leet , etc...)

Am leschte Stadium ass de Betraffenen total duererneen, hie versteet zwar datt een eppes zu him seet, ma déi Informatiounen déi hie kritt, kënne vun sengem Gehiir nët méi verschafft ginn, ausserdeem erkennt de Patient d'Leit au senger Famill net méi erem, oder hie gëtt hinnen Nimm vu Leit déi schonns laang doud sinn, z.B. de Patient rifft ee mam Numm vun sengem Papp - deen awer schonns virun 30 Joer gestuerwen ass, ma och d'Dag-Nuechtgefill ass nët méi present. Dégradatioun gëtt duerno ganz rapid; Harninkontinenz, de Patient kann nët méi eleng iessen an drenken,...

[Änneren] Therapie

Bis haut gët et keng therapeutesch Method fir dës Krankheet ze heelen! Et ass awer méiglech de Verlaf vun der Krankheet méi lues ze maachen oder e fir eng Zaït stagnéieren ze loossen.

Mediakementer déi fir d'Behandlung gutt sinn, sinn z.B.:

Aricept® 5mg/10mg (Pfizer)

Ebixa® 10mg pro compresso obducto uno oder 10mg/g (1g sin 20 goutten) an der sol. buvable(Lundbeck)

Wann de Patient sedéiert gi soll, kënne folgend Medikamenter hëllefen:

Dës Pharmazeutika gehéiren zu der Grupp vun den BENZODIAZEPINEN:

LEXOTAN® (Principe actif BROMAZEPAM) (PFIZER)

TEMESTA® (Principe actif LORAZEPAM) (WYETH)

VALIUM®(Principe actif DIAZEPAM) (Lab. Hoffmann-LaRoche)5mg; 10mg

XANAX® (Principe actif ALPRAZOLAM)(PFIZER) 0,25mg; 0,50mg; 1mg; 2mg;

XANAX® RETARD (IDEM) 0,50mg; 1mg; 2mg

Et kënnen awer och aaner Medikamenter agesaat ginn:

THERALENE

HALDOL

ATARAX ...

[Änneren] Literatur

• Anne Eckert: Alois Alzheimer und die Alzheimer Krankheit. An: Pharmazie in unserer Zeit 31(4), S. 356 - 360 (2002), Schabloun:ISSN
• Jochen Gust: Atlas der Demenz. Demenzerkrankungen von Aachen bis Zwickau. BoD Norderstedt, ISBN 3833425334
• Konrad und Ulrike Mauer: Alzheimer. Das Leben eines Arztes und die Karriere einer Krankheit. Piper Verlag, München, ISBN 3492232205
• Martin Suter: Small World. Diogenes Verlag, Zürich 1997, ISBN 3257230885. Roman, deen de Verlaf vun der Krankheet dokumentéiert

[Änneren] Um Spaweck

• Websäit vun der "Association Luxembourg Alzheimer" op Franséisch an op Däitsch