Economie

Vu Wikipedia
Wiesselen op: Navigatioun, sichen

De Begrëff Economie (v. gr.: oïkos - "Haus" an nomos - "verwalten"), oder Wirtschaft (v. dt.: "Wäert schafen") ëmschreift all Ariichtungen an Handlunge vu Mënsche mat dem Zil, déi an der Ëmwelt disponibel Ressourcen an déi vum Mënsch geschafe Ressourcen optimal auszenotzen, fir den Erhalt an d'Sécherheet vum Liewe vun de Mënschen ze garantéieren an ze fërderen, wéi och hir materiell an immateriell Besoinen ze befriddegen.

D'Besoine vum Mënsch kënnen an dräi Beräicher opgedeelt ginn, där hir Reiefolleg eng Prioritiséirung bei der Zoudeelung vu Gidder erméiglecht:

D'Economie huet eng Responsabilitéit als eng vun de gestaltende Forcen an der Gesellschaft. Mat dëser Dimensioun vun der Gestaltung ass d'Wirtschaftsethik befaasst. Vill Beroder vun Entreprisen weisen op d'Geforen hin, an déi sech Entreprise beginn, wa se offensichtlech egoistesch handelen an doduerch hire gudde Ruff bei potentielle Clienten a Geschäftspartner schiedegen.

Wat elo d'Lëtzebuerger Wirtschaftsstruktur ugeet, do ënnerscheede mir méi besonnesch d'Landwirtschaft, de Wäibau, an de Biergbau, d'Industrie, den Handel, d'Finanzservicer an déi aner Servicer. Den Akerbau, de Wäibau an de Biergbau gi vun den Economisten als Primäre Wirtschaftssecteur, d'Industrie als Sekundäre Wirtschaftssecteur an den Handel, d'Finanzservicer souwéi déi aner Servicer als Tertiäre Wirtschaftssecteur bezeechent. An deem Zesummenhang hunn d'Economisten Colin Clark a spéider de Jean Fourastié an W.W. Rostow eng Théorie entwéckelt, wouno d'Wirtschaftsentwécklung duerch eng Verschiebung vun den Aktivitéiten aus dem primären an den sekundären an duerno an den tertiäre Secteur gekennzeechent ass.

Ee Standardwierk iwwer d'Economie, Economics: An Introductory Analysis, gouf vum US-amerikaneschen Economist Paul Anthony Samuelson geschriwwen. Et gëtt och an de Schoule benotzt an ass dat Textbuch iwwer d'Economie, dat an der Welt déi gréisst Oplo huet.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Economie – Biller, Videoen oder Audiodateien