Gréngalgen

D'Gréngalgen (Chlorophyta) sinn eng Grupp vun Algen déi Fotosynthes mat Hëllef vun dem Chlorophyll a a b bedreiwen.

Weltwäit gëtt et circa 6.000 Aarte vu Gréngalgen. Vill vun hinne liewen als Eenzeller, anerer bilden Organismen aus e puer Dosende vun Zellen, oder och laang Fiedem oder makroskopesch grouss Organismen am Waasser.

Déi allermeeschte Gréngalge liewen am Waasser, eng Rëtsch och um Land op fiichte Plazen. Anerer liewen als Symbionten am Kierper vun aneren Oorganismen (z. B. dem Grénge Séisswaasserpolyp, Hydra viridis, Plattwierm ...), oder och zesumme mat Pilzen als Symbionten an de Flechten.

Systematik

• Gréngalgen (Chlorophyta)
  • Prasinophyta
    • Klass Prasinophyceae (5 Uerdnungen a bis zu 30 Aarten)
  • Pedinophyta
    • • Gattung Pedimonas (3 Aarten)
  • Chlorophycota
    • Klass Chlorophyceae (24 Uerdnungen a bis zu 1000 Aarten)
      • Uerdnung Chlorococcales
        • Gattung Chlorella
    • Klass Charophyceae (3 Uerdnungen)

Commons: Gréngalgen – Biller, Videoen oder Audiodateien