Groupe Animateur
De Groupe Animateur ass eng A.s.b.l., déi am Beräich vun der Animatioun vu Kanner a Jugendlecher aktiv ass. De Veräin organiséiert an de Schoulvakanzen Campen a Colonien a bitt och verschidde Weekender iwwer d'Joer verdeelt un. Donierft organiséiert d'Asbl och verschidde Formatiounswochen a -weekender fir de Brevet vum Animateur de loisirs ze kréien. All dës Aktivitéite ginn an enker Zesummenaarbecht mam Service national de la jeunesse (SNJ) organiséiert.
[änneren] Grënnung a Geschicht
De Groupe Animateur gouf 1982 vu verschiddenen Animateuren, déi beim SNJ geschafft hunn, gegrënnt.[1] Zanterhier funktionéiert de Groupe Animateur als A.s.b.l. déi un d'lëtzebuerger Jugendherbergszentral (CAJL - Centrale des auberges de jeunesse luxembourgeoises) affiliéiert ass. Sou ass de Sëtz vun der Associatioun och dee vun der CAJL.
[änneren] Um Spaweck
- Internetsäit vum Groupe Animateur
- Internetsäit vum Service national de la jeunesse (SNJ)
- Internetsäit vun der Lëtzebuerger Jugendherbergszentral (CAJL)
[änneren] Referenzen
- ↑ Cf. d'Grënnungsstatuten am Mémorial Nr. 223: 10682 aus dem Joer 1983.
