Pseudologie

Vu Wikipedia
Wiesselen op: Navigatioun, sichen
Erste hilfe.svg Dësen Artikel gehéiert zur Serie vun de Medezin-Artikelen. Dës Informatioune sinn zur allgemenger Weiderbildung geduecht, mä ersetzen op kee Fall en Dokter oder Apdikter! Och d'Éischt Hëllef-Rotschléi kënnen op kee Fall mat engem richtegen Éischt-Hëllef-Cours gläichgesat ginn!

Pseudologie (v. griich.: pseudos - "falsch"; logos - "Ried"), och alt Münchhausen-Syndrom genannt, ass dat krankhaft Verlaange vun engem Mënsch fir ze léien an z'iwwerdreiwen. Motivatioun ass meeschtens Geltungssucht oder Hysterie.

D'Pseudologia phantastica gëllt als sougenannten "abnorm Variatioun vum séilesche Wiesen" (Anton Delbrück 1891). An anere Wierder, eng beim Mënsch gewéinlech Charaktereegeschaft, hei nämlech den Drang zur Selbstduerstellung, ass an engem extreme Mooss iwwersteigert. Als behandlungsbedürfteg gëllt se awer eréischt, wann de Betraffenen duerch si engem héije Leidensdrock ausgesat ass, z. B. well en

Déi Betraffen zeechne sech doduerch aus, datt si stänneg versichen, am Mëttelpunkt ze stoen. Si wëllen, meeschtens onbewosst, Opmierksamkeet op sech zéien, andeems se iwwerzeegend ausgeduete Geschichte presentéieren, an deene si d'Haaptroll spillen. Si gëllen als extravertéiert a wëssen ëm d'Wierkung vu gekonnt agesate Stëmmungsschwankungen. Soulaang d'Syndrom nach net extrem ausgeprägt ass, gi se dowéinst vun hire Matmënschen dacks als passionant an amusant erlieft.

Problematesch gëtt et awer, wa säin Ëmfeld d'Realitéit, wéi se de Betraffene glafhaft duerzestelle versicht, permanent a Fro stellt. Hie gëtt dann als Spënner evitéiert a sozial isoléiert, a säi krankhaft gesteigerte Besoin no Unerkennung gëtt net befriddegt.

Et kann zu psychosomatesche Begleeterscheinunge kommen, wéi Schwindel, Häerzpéng, Lähmungsgefiller oder psychogen Ufäll. Déi vun enger Konversiounneuros (vereelst: Hysterie) betraffe Mënschen erhoffen sech vu subjektiv gefillte Symptomer déi fir hiert Selbstbild néideg Opmierksamkeet.

Am - seelenen - Extremfall täusche si Krankheetsbiller vir, fir laangwiereg Behandlungen oder souguer Operatiounen anzefuerderen. Beispillsweis spiere si déi hinne bekannt Zeeche vun engem Häerzinfarkt, oder si schlécke Glasschierbelen.