Schiessrothried

De Séi vum Spitzkoepfe aus gesinn

De Schiessrothried ass e klenge Séi op dem Osthank vun de Vogesen, deen aus der Äiszäit staamt. E gëtt vun dem Wormsabachrunz gefiddert deen e lénksen Niewefloss vun der Fecht ass.

E läit um Fouss vun Hohneck a war am Ufank nëmmen en Torfmuer. Well d'Textilindustrie an d'Seeëreien, am Dall vu Munster, déi zum gréissten Deel hiren elektresche Stroum selwer gemaach hunn, op regelméisseg Waasserquantitéiten ugewise waren, gouf e klenge Staudamm opgeriicht, duerch deen de Séi entstanen ass.

Laanscht de Séi gëtt et Trëppelpied déi vum Club Vosgien ugeluecht a gezeechent goufen.

Donnéeën

• Koordinaten : 48° 01’ 47’’ N 7° 1’ 31’’ O
• Héicht : 926 m
• Fläch : 5,58 ha
• Längt : 400 m
• Breet : 250 m
• Déift : 11 m
• Waasservolumen: 326 000 m³