Wäschklamer

Vu Wikipedia, der fräier Enzyklopedie.

Eng Wäschklamer oder einfach Klamer oder Klam ass e klengt Geschir fir Wäsch op enger Wäschlénkt festzepëtzen.

Klamere bestinn hautdesdaags gewéinlech aus zwee gläichgrousse längelzechen Deeler, aus Plastik oder Holz, déi an der Mëtt duerch eng Fieder zesummegehale ginn. D'Fieder ass gläichzäiteg d'Gelenk. Wann een déi zwee iewescht Enner zesummendréckt, ginn déi ënnescht auserneen. Léisst ee se lass, pëtzt d'Fieder se nees zesummen.

Fréier waren d'Klameren aus engem Stéckelchen Holz mat enger Spléck drann, dat een op d'Lénkt mat der Wäsch gestach huet.