Wénkelmiesser

E Wénkelmiesser (och Gradmiesser genannt) ass en einfache Goniometer fir d'grafesch Bestëmmung vun engem Wénkel.

Hie besteet aus enger kreesfërmeger oder hallefkreesfërmeger Scheif mat Wénkel-Andeelungen. D'Scheif besteet aus Plastik, Bakelit, staarkem Pabeier oder Blech. Normal sinn Duerchmiessere vun 8 bis 15 cm, an Andeelunge vun 1° oder 0,5°.

Dacks si Wénkelmiesser an Zeechen- oder Geodräiecker integréiert. Méi genee Wénkelmiesser hunn eng schwenkbar Schinn mat Moossstaf (Längtenandeelung op Millimeter), déi beim gewënschte Wénkel festgestallt ka ginn.

Beim hallefkreesfërmege Gradmiesser leeft d'Millimeter-Andeelung laanscht den Duerchmiesser.

Verschidde Wénkelmiesser

• 

  360-Grad Wénkelmiesser

• 

  Geodräieck mat integréiertem Wénkelmiesser

• 

  typesche Wénkelmiesser mat klengem Lineal fir de Schoulgebrauch

• 

  400-Gon Wénkelmiesser

Kuckt och

• Wénkel (Geschir)
• Goniometer
• Geodräieck
• Schréigtmiesser
• Wénkelmiessung

Um Spaweck

Commons: Category:Protractors – Biller, Videoen oder Audiodateien

• (de) Ausstellung „Historesch Wénkelmiesser“