Abdou Diouf

Vu Wikipedia
Abdou Diouf
Gebuer 7. September 1935
Nationalitéit Senegal
Educatioun Universitéit Panthéon-Sorbonne,
Universitéit Cheikh Anta Diop
Aktivitéit Politiker, Affekot

Den Abdou Diouf, gebuer de 7. September 1935 zu Louga am Senegal, war e senegaleesesche Politiker. Hie war den zweete President vum Senegal (1981-2000), nodeem säi Virgänger Léopold Sédar Senghor den 31. Dezember 1980 zeréckgetrueden ass. Den Diouf war vun 1970 bis 1980 Ministerpresident vum Senegal.

Bei de follgende Walen 1983, 1988 an 1993 gouf hien erëmgewielt. Am Joer 2000 gouf en awer bei de Wale vum Abdoulaye Wade iwwerstëmmt. Den 1. Abrëll 2000 huet hien deemno säin Amt zu Gonschte vum Wade néiergeluecht.

Hie krut 1996 de Grand Prix de la Francophonie de l'Académie française a war vun 2003 bis 2014 President vun der Organisation internationale de la francophonie[1].

Um Spaweck[änneren | Quelltext änneren]

Commons: Abdou Diouf – Biller, Videoen oder Audiodateien

Referenzen an Notten[Quelltext änneren]

  1. Donnéeen op der franséischer Wiki