Atomprogramm vum Iran

Vu Wikipedia
Wiesselen op: Navigatioun, sichen

Mam Atomprogramm vum Iran gouf schonn 1959 ugefaangen. Duerch d'Islamesch Revolutioun an den Éischte Golfkrich goufen d'Aarbechten ënnerbrach. De 4. September 2011 ass zu Buschehr deen éischte Kärreaktor fir d'Energieversuergung un d'Netz gaangen – et existéieren donieft awer nach e puer Fuerschungsreaktoren. Dem Iran gëtt zanter kuerzer Zäit virgeworf, d'Entwécklung vun Atomwaffen unzestriewen, wat allerdéngs vun iranescher Säit zréckgewise gëtt; et gëtt betount, d'Atomenergie nëmme fir friddlech Zwecker ze notzen. An de Medie gëtt op d'Ausernanersetzunge wéinst den ongekläerten Ziler, déi den Iran mat sengem Atomprogramm verfollegt, dacks mam Ausdrock Atomsträit mam Iran agaangen.

Geschicht[änneren | Quelltext änneren]

Obwuel den Iran dat Land ass mat de weltwäit zweetgréisste Reserven u fossilen Energiequellen ass (Pëtrol an Äerdgas zesummegeholl), gouf schonn an de 60er Joren iwwer hir begrenzte Quantitéit nogeduecht. Den deemolege Schah Mohammed Reza Pahlavi selwer koum zur Conclusioun, datt Pëtrol ze kostbar wier, fir e fir d'Energiegewënnung ze verbrennen.