Brouilly (AOC)
De Brouilly ass ee vun den 10 Crusen aus de Wéngerte vum Beaujolais. Déi 10 Cruse si vun Norden no Süden: Saint-Amour, Juliénas, Chénas, Moulin-à-Vent, Fleurie, Chiroubles, Morgon, Regnié, Côte-de-Brouilly a Brouilly.
Et ass e roude Wäin deen aus Gamayriewe produzéiert gëtt. Mat 20 % vun der Fläch vun de Crusen ass et deen, deen déi gréisste Produktion opweises huet. D'Lies gëtt nëmmen op der Hand gemaach.
De Brouilly ass e Wäin deen tëscht 3 a 5 Joer zäideg ass, an a gudde Conditioune kann e sech bis 10 Joer halen.
De Brouilly ass e Wäin deen am Handel méi einfach opzedreiwen ass wéi déi aner Crusen aus dem Beaujolais. Eng grous Parti dervunner kënnt trotz der Appellatioun Cru net wäit iwwer d'Qualitéit vun de Beaujolais-Villages eraus. Et si Wäiner déi e staarke Goût vun der Drauf hunn.
Déi bekannste Produzente sinn: Domaine de Bel-Air, Château de la Chaize, Domaine Dubost, J. Gonard & Fils (Händler), Bernard Jomain, Jean Lathuilière, Château Thivin.
[änneren] Informatiounen iwwer d'Appelatioun
- Numm : Brouilly
- Faarf: Rout
- Dekret vun der Apellatioun: 1938
- Erlaabte Riefzorten : Gamay
- Biedem: Granitbiedem, leemeg Biedem mat Silizium a leemeg Biedem mat Kallek
- Fläch vum Wéngert : 1305 ha
- Gemengen déi zur Appelatioun gehéieren: Odenas, Saint-Lager, Cercié, Quincié-en-Beaujolais, Saint-Étienne-la-Varenne a Charentay.
- Produktioun: 75800 hl
|
|||
|
Saint-Amour - Juliénas - Chénas - Moulin-à-Vent - Fleurie - Chiroubles - Morgon - Regnié - Côte-de-Brouilly - Brouilly. |
