Carlos Santana

Vu Wikipedia
Wiesselen op: Navigatioun, sichen
De Carlos Santana (2000).

De Carlos Augusto Santana Alves, gebuer den 20. Juli 1947 zu Autlán de Navarro, Jalisco, Mexiko) ass en US-amerikanesche Museker a Gittarist vu mexikaneschen Originnen, deen d'Rockmusek duerch dee vun him entwéckelt e Stil, de Latin Rock, ëm eng Variant méi räich gemaach huet.

De Santa (1978).

Hien huet schonn als Kand Gittar gespillt an 1965 d'Santana Blues Band gegrënnt. Domat gouf en zu San Francisco a ronderëm, wéinst hirem onverwiesselbare Stil, enger Mëschung aus Rock'n'Roll, Blues a latäinamerikanesche Rhythmen, bekannt; e Stil, deen haut Latin Rock genannt gëtt.

1969 koum seng éischt LP Santana eraus, an dat selwecht Joer ass e mat senger Band um Woodstock-Festival opgetrueden. Dat Joer drop koum den zweeten Album Abraxas eraus, mat bekannte Stécker drop wéi Samba Pa Ti, Oye Como Va (vum Tito Puente) a Black Magic Woman (vum Peter Green). E gouf 4 Millioune Mol verkaf. 1971 koum Santana III no, an 1972 e Livealbum mam Buddy Miles (ouni seng Band). Och Caravanserai (1973) gouf e Succès.

1972 huet hie sech mam John McLaughlin a sengem Mahavishnu Orchestra zesummegedoen. An de Joren duerno koume weider Alben eraus, mat ëmmer mol nees neie Bandmemberen.

1999 hat e mat senger Band mam Album Supernatural e Come-Back, a krut, nieft dem kommerzielle Succès aacht Grammy Awards. Weider Albe koumen am Laf vun den 2000er Joren eraus.

Diskographie[änneren | Quelltext änneren]

Um Spaweck[änneren | Quelltext änneren]

Commons: Carlos Santana – Biller, Videoen oder Audiodateien