Männer, déi Sex mat Männer hunn

Als Männer, déi Sex mat Männer hunn (ofgekierzt als MSM, aus dem engleschen Men who have sex with men oder males who have sex with males) gi männlech Persoune bezeechent, déi sech op sexuell Aktivitéite mat Leit vum selwechte Geschlecht aloossen, egal wéi si sech selwer identifizéieren. Vill Männer wëllen oder kënnen net akzeptéieren, dat si homosexuell oder bisexuell sinn. De Begrëff gouf an den 1990er kreéiert, fir d'Ausbreede vu Krankheeten tëscht Männer, dei Sex mat Männer hunn, ze studéieren, ouni datt d'Identitéit dobäi wichteg ass.

De Begrëff erlaabt et och, aner mat Wäerter oder Ideologië geluede Begrëffer z'evitéieren.