McDonnell Douglas MD-80

McDonnell Douglas MD-82 vun der SAS Scandinavian Airlines

D'McDonnell Douglas MD-80 ass een zweestralege Fliger vum US-amerikanesche Fligerbauer McDonnell Douglas. D'MD-80 gouf 1.191 mol gebaut an ass domadder deen erfollegräichste Fliger vu McDonnell Douglas.

Geschicht

An den 1970er Joren huet den US-amerikanesche Fligerhiersteller Douglas Aircraft Company eng gestreckt Versioun vun der Douglas DC-10 geplangt. No der Fusioun mat der McDonnell Aircraft Corporation goufen déi Pläng a Form vun der MD-80 verwierklecht. 1980 goufen déi éischt Maschinne vun der Versioun MD-81 un d'Swissair an d'Austrian Airlines ausgeliwwert.

Nodeems Boeing mat der 737-300 en ähnleche Fliger op de Maart bruecht huet dee méi effizient war, koum kuerz duerno d'MD-87 eraus. E puer Joer drop huet Airbus mam A320 ee weidere Konkurrent fir d'MD-80 op de Maart bruecht. Trotz där Konkurrenz konnt d'MD-80 awer gutt mathalen a gouf bis 1999 produzéiert.

Den Nofolger MD-90 konnt net un den Erfolleg vun der MD-80 uknäppen.

Versiounen

• MD-81 : Grondversioun vun der MD-80 mat Plaz fir 172 Passagéier
• MD-82/-88 : méi schwéier Versioun mat erhéichter Räichwäit
• MD-83 : nach emol méi schwéier wéi d'MD-82, méi modern Ausstattung
• MD-87 : ëm 4,50m gekierzt Versioun mat Plaz fir 139 Passagéier

Technesch Daten

Kenngréisst	MD-81	MD-82/-88	MD-83	MD-87
Längt	45,10 m			39,70 m
Spannwäit	32,80 m
Héicht	9,05 m			9,30 m
Fligelfläch	92.97 m²
Maximalt Startgewiicht	63.503 kg	67.812 kg	72.575 kg	63.503 kg 67.813 kg1
Reesgeschwindegkeet	Mach 0.76 ca. 811 km/h
Passagéier (2 Klassen)	155	152	155	130
Passagéier (1 Klasse)	172			139
max. Räichweäit	2.897 km	3.798 km	4.635 km	4.395 km (5.428 km)4
Flughéicht	11.277 m
Motor	2 P&W JT8D-209 à 82 kN	2 P&W JT8D-217A/C à 89 kN	2 P&W JT8D-219 à 93,4 kN	2 P&W JT8D-217C à 89 kN
Eischt Ausliwwerung	13. September 1980 un Swissair	5. August 1981 un Republic Airlines2 19. Dezember 1987 un Delta Air Lines3	20. Februar 1985 un Alaska Airlines	1. November 1987 un Finnair
Lescht Ausliwwerung	24. Juni 1994 un JAL	17. November 1997 un U-Land Airlines2 25. Juni 1997 un Onur Air3	21. Dezember 1999 un TWA	23. Mäerz 1992 un SAS
Gesamtzuel produzéiert	132	5692 1503	265	75
1 Versioun mat erhéichtem Startgewiicht 2 MD-82 3 MD-88 4 gesteigert Räichwäit an der ER-Versioun (Extended Range) duerch zousätzlech Tänk

Um Spaweck

Commons: McDonnell Douglas MD-80 – Biller, Videoen oder Audiodateien

• MD-80 op der Boeing-Website
• Informatiounen iwwert d'MD-80