Michael Jackson

Vu Wikipedia
Wiesselen op: Navigatioun, sichen
De Michael Jackson mat dem amerikanesche President Ronald Reagan a senger Fra Nancy, 1984.

De Michael Joseph Jackson, gebuer den 29. August 1958 zu Gary, Indiana, a gestuerwen de 25. Juni 2009 zu Los Angeles, Kalifornien, war en US-amerikanesche Komponist, Sänger, Dänzer, Choreograph, Lidderschreiwer, Museker, Entertainer a Filmschauspiller.

Hie war zanter 1969 als Kënschtler aktiv an huet weltwäit iwwer 300 Millioune Placken, Kassetten an CDe verkaaft.

Seng Musek gehéiert an d'Kategorie R&B, Pop a Rock. Si gouf publizéiert bei Motown Records (1969–1976), Epic Records (1976–2006) an Two Seas Records (2006).

Während dem zweeten Deel vu senger HIStory Welt-Tournée ass de Michael Jackson och zu Lëtzebuerg opgetrueden. Bal 40.000 Leit sinn hien den 22. Juni 1997 op Beetebuerg um Krakelshaff kucke gaangen.

Hien ass de 7. vun sengen 9 Bridder. Seng Carrière huet scho mat 11 Joer ugefaange mat senge Bridder an enger Band den Jackson Five. 1971 huet hien eng solo Carrière ugefaangen, ass awer trotzdeem nach Member an der Band bliwwen. Säi Spëtznumm war "The king of pop".

Déi mescht verkaaften Albume vum Michael Jackson waren: "Off the Wall" the Wall (1979), Thriller (1982), Bad (1987), Dangerous (1991) an History (1995).

Ufank 1980 war de Michael Jackson ee Virbild vun der Musek. De Moonwalk ass säi Markenzeechen. Seng Musek a säi Stil hu ganz vill aner Museker inspiréiert. Am Laf vun senger Carrière huet hie vill Rekorder an der Museksindustrie gebrach an huet am Ganze 750 Milliounen Albumen verkaaft. "Thriller" gouf tëscht 65 an 108 Millioune mol verkaaft. Hien huet déi meescht Präisser kritt, wei soss keen anere Museker. 2000 gouf de Michael Jackson fir de World Music Awards nominéiert.

Hie war 2-mol bestuet an huet 3 Kanner. Ausserdeem huet hien nach Piano, Percussion a Gittar gespillt. Seng Eltere waren den Joseph Jackson an d'Katherine Jackson. Säi Papp war selwer och Sänger, hie war ganz streng mat den Kanner, hien huet hinne verbueden owes eraus ze goen well keng Sécherheet op de Stroosse war.

Den Zwillingsbruder Marlon ass e puer Stonnen no der Gebuert gestuerwen. Dei ganz Famill vun 12 Memberen huet an engem klengen Haus mat 2 Kummere gelieft.

Um Spaweck[änneren | Quelltext änneren]

Commons: Michael Jackson – Biller, Videoen oder Audiodateien