Pâtisserie

Vu Wikipedia
Wiesselen op: Navigatioun, sichen
Vitrine vun enger Pâtisserie

Mat Pâtisserie bezeechent ee souwuel eng bestëmmten Zort kulinaresch Preparatiounen, wéi och de Buttek an deem dës vun engem Zockerbäcker gemaache Produite verkaaft ginn.

Pâtisseriesprodukter sinn éischter séiss a kënne sech presentéieren a klenge Portioune wéi Mëtschen, Kichelcher, Petit-fouren, Täertercher, oder a grousse Portioune wéi Taarten a Kuchen.

Si besti meeschtens aus Zocker, Miel, Eeër (dacks ginn d'Eegiel an d'Eewäiss getrennt) a Fett (Botter, Margarine oder Ueleg).

Och wann een dacks déiselwecht Bestanddeeler erëmfënnt, sou ënnerscheet sech déi Abberzuel u Pâtisserie dach fundamental, duerch déi verschidde Preparatiounsmethoden an d'Relatioun vun de Quantitéiten zoueneen.

E puer Basisrezepter loosse sech och op eng sëlleche Manéiere kombinéieren:

Donieft kann een och nach Friichten, Nëss, Kakao a Schockela an der Pâtisserie verschaffen, a se mat Vanill oder Spirituosen aromatiséieren.

Als Dreifmëttel gi Bakpolver, Hief oder Soda geholl, e puer Deegaarte kommen awer och ouni aus, an anerer verlaangen eng laang Knietzäit fir datt de Gluten sech am Miel entfale kann.