Papperlapapp
De Papperlapapp ass eng Zäitschrëft fir Membere vun de Lëtzebuerger Guiden a Scouten déi an der Branche (Altersstuf) AvEx sinn. Se kënnt 3-mol am Joer eraus. Dës Publikatioun huet 28 Säiten a gëtt zum Deel vun de Memberen / Jugendleche matredigéiert. D'Ausgab vum Januar 2006 hat eng Oplo vun 1340 Stéck.
Rubricken déi am Paperlapapp enthale sinn:
- Wéi dann? (En nodenklechen Text, Artikel oder eng Foto)
- Papperlatip (gutt Rotschléi fir Bastelen, Kachen, Sangen a wat soss nach bei de Guiden a Scouten ufält)
- Papperlanet (Rubrik iwwer Internet an Tools rondrëm dat weltwäit Netz)
Papperlatip[änneren | Quelltext änneren]
Dës Rubrik enthält virun allem praktesch Ureegungen (Bastel-Atelieren, Kachrezepter, Lidder, Spillreegelen, asw.). Si kann duerch Ausschneiden aus dem Paperlapapp zu engem Sammelheft zesummegefaasst ginn.
Papperlanet[änneren | Quelltext änneren]
De Schwéierpunkt vun dëser Rubrik ass den Internet an alles wat mam Spaweck zesummenhänkt. Sou sinn ë. a. follgend Theme schonn erkläert ginn:
- Messenger wat ass dat?
- Akafen iwwer Internet, wéi geet dat?
- Wat ass e Guestbook?
- Wat ass eng Fotogallerie?
- Wéi kommen ech op den Internet?
- Wéi fonctionéiert E-mail, a wat ass dat?
- Wat sinn News?
- Filesharing a Peer-to-Peer Netzer, wat däerf een a wat net?
Aner Zäitschrëften[änneren | Quelltext änneren]
D'Lëtzebuerger Guiden a Scouten publizéieren och nach follgend Zäitschrëften, déi méi oder manner reegelméisseg erauskommen:
- En Route (fir RaRo)
- Contact (fir Chef)