Schluecht vun der Somme

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Schluecht vun der Somme
Worldwari map13 largerview.jpg
Schluecht vun der Somme op der Kaart
Datum 1. Juli - 18. Nov. 1916
Plaz Un der Somme
a Frankräich
Resultat Ouni militäresch Entscheedung
Kontrahenten
Flag of Germany.svg Däitschland Flag of France.svg Frankräich
Flag of the United Kingdom.svg Groussbritannien
Flag of Australia.svg Australien
Canadian Red Ensign 1868-1921.svg Kanada
Flag of New Zealand.svg Neiséiland
Dominion of Newfoundland Red Ensign.svg Neifundland
Red Ensign of South Africa 1910-1912.svg Südafrika
Männer op der Plaz
50 Divisiounen.
Verloschter:
429.313 Mann
(offiz. dt. Angab)
No Schätzunge bis
600.000 Mann
.
51 britesch Div.
48 franséisch Div.
Verloschter:
419.654 Briten
194.451 Fransousen
(offiz. brit. Angab)
No Schätzungen:
bis 800.000
Éischte Weltkrich


D'Schluecht vun der Somme huet den 1. Juli 1916 a Form vun enger britesch-franséischer Groussoffensiv géint déi däitsch Stellungen ugefaangen.

Déi britesch-franséisch Alliéiert haten déi Attack schonn am Dezember 1915 op der Konferenz zu Chantilly decidéiert, fir dem Stellungskrich an den Trancheeën en Enn ze maachen. De 4. September konnten d'Fransouse Forest a Cléry-sur-Somme zréckerueweren. Annerhallwe Mount duerno konnten déi marokanesch Kolonialtruppen de Fort de Douaumont bei Verdun zréckerueweren, an an der Nuecht vum 1. op den 2. November hunn déi däitsch Truppen d'Nopeschfestung de Fort de Vaux opginn.

Duerch déi Victoiren opgemontert huet de franséische Marechal Joffre deklaréiert: "Toutes les audaces sont permises", ouni vill Ophiewes vun de grousse Verloschter ze maachen.

D'Offensiv gouf den 18. November am selwechte Joer ofgebrach, ouni dat eng militäresch Entscheedung erbäigefouert gi war, d'alliéiert Truppen hate knapps 10 Kilometer Front gutt gemaach. Dobäi koum, datt géint November déi däitsch Aviatioun erëm Här a Meeschter an der Loft war.

Mat iwwer 1 Millioun Doudegen, Verwonnten oder Vermësste war et déi Schluecht, déi am Éischte Weltkrich op alle Säiten zu de gréisste Verloschter gefouert huet. D'Englänner hate 400.000 Mann verluer, d'Fransousen 200.000, an op der däitscher Säit ware 450.000 Zaldote gefall.

E groussen Deel vum Echec vun där Offensiv war, well den Arméiskommando sech op den Asaz vun den engleschen Tankse Mark I verlooss hat, an de 15. September an der Géigend vu Flers eng Panzerattack lancéiert hat.

Déi niddreg Zuel vun de gepanzerte Gefierer, knapps 50 Stéck, an d'schlecht Maîtrise dovun, waren net déi bescht Viraussetzunge fir sou eng Attack. Dozou koum dat d'Tanksen net an engem Verband geschafft hunn, mä mat Koppelen oder klengen Unitéite laanscht d'Front verdeelt waren. De Moment fir d'Panzerattack, war trotz de Warnunge vun den Tankisten, schlecht erausgesicht ginn, sou datt e groussen Deel dovun am schwéieren, duerch de ville Reen, opgeweechten Terrain stieche blouf. D'Panzerung war och sou schappeg, datt se schonn duerch konzentréiert Maschinnegewierfeier konnte schwéier beschiedegt a gestoppt ginn.

Um Spaweck[änneren | Quelltext änneren]

Commons: Schluecht vun der Somme – Biller, Videoen oder Audiodateien