Sherlock Holmes

Dëse Literaturartikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

Sherlock Holmes, Kuelenzeechnung vu Sidney Paget (1904)

De Sherlock Holmes ass eng bekannt Figur aus den Detektiverzielunge vum englesche Schrëftsteller Sir Arthur Conan Doyle.

Zesumme mat sengem Kolleg Dr. Watson kënnt de gescheiten a raffinéierten Holmes all Verbriecher op d'Spur. Seng Haaptatoute si seng erstaunlech developpéiert Fäegkeet vun der Deduktioun, säi Sënn fir schaarf Beobachtungen a säi grousst Allgemengwëssen. Dobäi geet en awer dervun aus, datt een e Gehir grad wéi eng Kommoud och kéint iwwerlaaschten an dofir mécht e säi Geescht fräi vun all fir hien onnëtzem Wëssen (z. B. datt d'Äerd ëm d'Sonn dréint).

Den Doyle huet seng Figur an hiert Ëmfeld esou realistesch beschriwwen, datt no engem BBC-Sondage vun 1959 ganzer 59% vun den Englänner gemengt hunn, den Detektiv aus der 221B Baker Street, mat senger Päif a senger Gei, hätt wierklech gelieft.

Sherlock Holmes Romaner

• A Study in Scarlet, 1887
• The Sign of the Four, 1890
• The Hound of the Baskervilles, 1902
• The Valley of Fear, 1915

Literatur

• Martin Compart (Hrsg.), Das Sherlock-Holmes-Buch ; Frankfurt/M. & Berlin (Ullstein), 1987; 116 S. (ill.; Bibliogr.); ISBN 3-548-36536-1
• Lucien-Jean Bord, Dictionnaire Sherlock Holmes ; Paräis (Le Cherche-Midi), 2008; 312 S.; ISBN 978-2-7491-1221-3

Kuckt och

• Reichenbach-Waasserfäll

Commons: Sherlock Holmes – Biller, Videoen oder Audiodateien