Tuerm vu Belém

Vu Wikipedia
Wiesselen op: Navigatioun, sichen
Geographesch Koordinaten: Gnome-globe.svg 38° 41’ 30’’ N 09° 12’ 57’’ W
Tuerm vu Belém zu Lissabon

Den Tuerm vu Belém (port.:Torre de Belém) ass eent vun de Symboler vu Lissabon an heescht offiziell Torre São Vicente.

E gouf ënner dem Don Manuel dem Glécklechen am manolitesche Stil an de Jore vu 1515 - 1520 gebaut a stoung fir d'éischt op enger Insel matten am Tejo. De Floss huet sech lues a lues verluecht an elo steet den Tuerm direkt um Ufer. Et war am Ufank eng Festung déi den Estuaire vum Tejo bewaache sollt. Den Architekt war de Francisco de Arruda.

Vun der 35 m héijer Plattform huet een e gudde Bléck iwwer den Tejo, op d'Monument vun de portugiseschen Entdeckungen dat knapps 900 Meter dovun ewech ass, an op d'Bréck vum 25. Abrëll. Op der Terrass steet d'Statu vun der Nossa Senhora do Bom Sucesso, d'Schutzhelleg vum Erfolleg, déi d'Schutzsymbol vun de Séifuerer an Entdecker war.

Un der Aussefront bei de Wuechttierm, erkennt een d'Käpp vu Léiw, Delphinen, Widderen an engem Rhinozeros.

Zanter 1983 gehéiert den Torre de Belém zu der Weltierfschaft vun der UNESCO.

De Belém-Tuerm

Kuckt och[änneren | Quelltext änneren]

Commons: Torre de Belém – Biller, Videoen oder Audiodateien