Waffeleisen
Vu Wikipedia, der fräier Enzyklopedie.
E Waffeleisen ass e Kichegeschier, fir Eisekuchen ze baken. Bei Wäffelcher schwätzt ee vun engem "Wäffelcherseisen".
E Waffeleise besteet aus zwou metalle Plakken, op deenen e Muster (a Wabeform) am Negativ drop ass. Béid Plakke ginn erhëtzt, da gëtt flëssegen Deeg drageschott a se ginn zougeklappt. No e puer Minutten ass den Deeg bannendra gebak, an den Eisekuch ass fäerdeg.
Fréier geschouch d'Erhëtzen, andeems een d'Waffeleisen, dat aus Goss war, an oder iwwer d'Feier gehalen huet, haut ass dat meeschtens elektresch.
Wäffelcher ginn nom Baken dacks an eng Cornet-Form gerullt.
| Commons: Waffle irons – Biller, Videoen oder Audiodateien |
