800-Meter-Laf

Vu Wikipedia
Wiesselen op: Navigatioun, sichen
Finall vum 800-Meter-Laf op der Weltmeeschterschaft 2007 zu Osaka

Den 800-Meter-Laf ass eng olympesch Disziplin an der Liichtathletik, déi zu de Mëttelstrecke gehéiert.

De Start ass am Stoen an all Athlet muss op den éischten 100 Meter a sengem Couloir bleiwen. Wien dee verléisst gëtt disqualifizéiert. No 100 Meter däerfen d'Athleten hire Couloir verloossen. Déi Plaz gëtt duerch eng Iwwergangslinn signaliséiert. Déi Moossnam gouf agefouert fir Gedrécks ze vermeiden an datt déi staark Athlete vir sinn an déi méi schwaach Athleten deenen anere net an de Féiss sinn. No engem Tour huet d'Feld sech da forméiert an den Endspurt gëtt scho preparéiert. Vereenzelt Athlete probéieren auszebriechen oder se halen den Tempo sou héich, datt déi aner keng Kraaft méi hunn, fir laanscht ze goen. Op de leschten 300 Meter soll een dann an den éischte Positioune sinn fir net agekesselt ze ginn. Déi lescht 200 Meter gëtt dann nach alles aus sech eraus geholl. Et kënnt vir datt Athleten op de leschte 50 Meter abriechen oder Krämp kréien. D'800 Meter kënnen awer och taktesch gelaf ginn, zum Beispill den éischten Tour gëtt verbummelt (z. B.: 55-60 Sek) an de leschten Tour gëtt Vollgas gelaf (ënner 50 Sek). Fir déi Streck ze lafe brauch den Athlet d'Vitesse vun der 400 m-Course an d'Konditioun vun där vu 1500 m. Am zweeten Tour areecht den Athlet normalerweis d'anaerob Schwell. Op där Distanz entscheeden ëmmer déi lescht 200m.

Training[änneren | Quelltext änneren]

Qsicon Ueberarbeiten.png Dësen Artikel oder Kapitel muss iwwerschafft ginn. Dat kann dru leien, datt Schreif- oder Tippfeeler dran ze fanne sinn, oder datt den Inhalt net ganz korrekt ass oder net explizit genuch ass, sou wéi en den Ament do steet.

Fir d'800m muss d'Schnellausdauer traineiert gin. D'Muskele muss och dorophin trainéiert gi fir dës héich Vitesse kennen ze halen oder z'erdroen. Dëst kann een duerch Krafttraining mat Medizinbäll, am Kraftraum, Stabi, Hürden a Gymnastik erreechen. Ob der 800m brauch de Leefer ee perfekte Lafstil. De Lafstil ass sou wichteg fir keng Energie ze verléieren. D'Energie déi een an de Muskelen entwéckelt an dann an d'Beweegung geet muss no fir goen. Hei si vill Klengegkeeten ausschlaggebend fir d'Durchhaalverméigen vum Athlet.

Fir d'800m mussen d'Leefer sech och un den Tempo gewinnen. Wann een Athlet well 2min op dëser Distanz lafen, da muss en am Virfeld schonn 400er op 58 sek trainéieren. Oder ee ganz typeschen Training ass 600m an 1:30min, 1min Paus an dann eng 200m op voll Vitesse.

Rekorder[änneren | Quelltext änneren]

Weltrekorder:[änneren | Quelltext änneren]

Lëtzebuergesche Rekord:[änneren | Quelltext änneren]