Alentejo

Lag vun der portugisescher Regioun Alentejo

D'Regioun Alentejo (port.: fir déisäit vum Tejo) ass eng Regioun vu Portugal. Si ëmfaasst d' Distrikter Portalegre, Évora a Beja, esou wéi de südlechen Deel vum Setúbal.

D'Nopeschregioune sinn d'Região Centro an d' Região de Lisboa am Norden an d' Algarve am Süden. Am Oste grenzt d' Regioun u Spuenien an am Weste läit den Atlantik.

D'Fläch vum Alentejo mécht mat 31.152 km² 33% vum portugisesche Festland aus. D'Regioun huet eng Bevëlkerung vu 770 265 (Stand: 2007).

D'Region ass an 5 statistesch Ënnerregiounen agedeelt:

• Alentejo Central
• Alentejo Litoral
• Alto Alentejo
• Baixo Alentejo
• Lezíria do Tejo

D'Regioun Alentejo huet 58 Kreeser (concelhos).

Commons: Alentejo – Biller, Videoen oder Audiodateien