Anagramm

En Anagramm, (aus dem Griicheschen anagraphein = "ëmschreiwen") ass eng rhetoresch Figur bei där e Wuert oder e Saz duerch eng Ëmstellung (Permutatioun) vu senge Buschtawen esou verschlësselt gëtt, datt sech doraus en neie Sënn ergëtt.

Beispiller am Franséischen

• merci → crime
• patricien → anticiper
• Révolution française → Un véto corse la finira

Beispiller am Däitschen

• Altenheim → Teilnahme

Beispiller am Lëtzebuergeschen

• Stad Lëtzebuerg → Buergadel sëtzt

Beispiller bei Nimm

• Dem däitsche Schrëftsteller säi Pseudonym Carl Amery ass en Anagramm vu sengem Familljenumm Mayer.
• Der franséischer Schrëftstellerin Marguerite de Crayencour hire Pseudonym Marguerite Yourcenar (dësen Anagramm ass bësse forcéiert).
• François Rabelais => Alcofribas Nasier.
• Arouet de Voltaire <= François-Marie Arouet, deem seng Famill vun Airvault hierkoum. Eng méi bekannt Erklärung: Anagramm vun AROVET L. I. (= Arouet l. j., fir Arouet le jeune).
• Paul Verlaine => "pauvre Lélian".

Kuckt och

• Palindrom
• Ananym