Arno (Sänger)

Arno
Arno
Gebuertsnumm	Arnold Charles Ernest Hintjens
Gebuer	21. Mee 1949; Oostende
Gestuerwen	23. Abrëll 2022; Bréissel
Doudesursaach	Bauchspäicheldrüsekriibs
Nationalitéit	Belsch
Aktivitéit	Sänger, Komponist, Filmschauspiller, Mondharmonikaspiller
Member vun	Tjens Couter, T.C. Matic, Charles et les Lulus

Den Arno, gebuer den 21. Mee 1949 zu Ostende, a gestuerwen den 23. Abrëll 2022 zu Bréissel^[1]; mam ganzen Numm Arno Hintjens, war e belsche Sänger, Instrumentalmuseker a Komponist.

Liewen[änneren | Quelltext änneren]

Den Arno huet an de fréien 1970er Jore seng Karriär als Museker zu Ostende ugefaangen, a war noenee Member vun de Bands Freckle Face, Tjens Couter an TC Matic. Zanter 1986 ass hien als Solokënschtler aktiv. Hien huet Lidder, déi e selwer geschriwwen huet, op englesch, franséisch a flämesch gesongen, an eng ganz Rëtsch franséisch Chansonen opgeholl. Och fir Filmer huet hie Musek komponéiert. Wéinst sengem Stil a senger rauer Stëmm gëtt hien alt "de belschen Tom Waits“ genannt.

Bekannt gouf hie virun allem mat de Lidder Les yeux de ma mère oder Oh la la la.

2007 huet den Arno, mam Alain Bashung am Film J'ai toujours rêvé d'être un gangster vum Samuel Benchetrit matgespillt.