Bonaventura Cavalieri

Vu Wikipedia
Wiesselen op: Navigatioun, sichen
Bonaventura Cavalieri

Bonaventura Francesco Cavalieri gebuer am Joer 1598 wahrscheinlech zu Mailand, gestuerwen den 3. Dezember oder 30. November 1647 zu Bologna war en italieneschen Mënch, Mathematiker an Astronom.

De Bonaventura Cavalieri huet um Gebitt vun der Geometrie geschafft an huet zu Bologna geléiert.

Bekannt gouf de Cavalieri haaptsächlech duerch de Prinzip vun den Indivisibilien. Dee Prinzip war an enger Virform schonn 1604 an 1615 vum Kepler gebraucht ginn. No der fréierer Versioun vun 1635 gëtt ugeholl, datt eng Linn aus enger onendlecher Zuel vu Punkten ouni Gréisst besteet, eng Uewerfläch aus enger onendlecher Zuel vun Linnen ouni Breet an e Kierper aus enger onendlecher Zuel vun Uewerflächen ouni Héicht. Als Reaktioun op Aspréch gouf de Prinzip nei formuléiert an 1647 mat enger Verdeedegung vun der Theorie nei verëffentlecht; am Joer 1653 goufe seng Wierker mat spéidere Korrekturen nei publizéiert.

De Prinzip vum Cavalieri seet, datt zwéi Kierper deselwechte Volumen hunn, wann all déiselwecht Schnëtter iwwereneestëmmen, déi parallel zu enger Grondfläch, déi virginn ass an an iwwereneenstëmmenden Ofstänn ausgefouert ginn.

Wierker[änneren | Quelltext änneren]

  • Geometria indivisibilibus, 1635
  • Exercitationes Geometricae, 1647

Um Spaweck[änneren | Quelltext änneren]

Commons: Bonaventura Cavalieri – Biller, Videoen oder Audiodateien