Cameo

Vu Wikipedia
Wiesselen op: Navigatioun, sichen

E Cameo-Optrëtt oder kuerz Cameo [ˈkæmioʊ] nennt een, wann eng bekannt Persoun onerwaart e kuerzen Optrëtt an engem Film oder enger Televisiounsserie huet. Den Aussdrock kënnt vum englesche Wuert fir e Kamee, d. h. e Relief mat engem Edelsteen. Déi bekannte Persoun fält, wéi de Steen, an der Mass op.

E Cameo-Optrëtt kann entweder just als Statist sinn, oder awer aus enger kuerz Roll bestoen, wou déi Persoun sech dann dacks selwer spillt. Och bei Verfilmunge vun Episoden aus engem sengem Liewen, wou een Acteur d'Haaptroll huet, kënnt et vir, datt déi "richteg" Leit e kuerze Cameo-Optrëtt hunn (Sou z. B. d'Erin Brokowitch als Serveuse am Film mam nämmlechten Numm, oder de Larry Flynt als Riichter am Film The People vs. Larry Flint).

Cameo vum Alfred Hitchcock a sengem Film Notorious.

Eng vun deenen éischten a bekanntste Persounen, déi Cameo-Optrëtter an hiren eegene Filmer haten, war den Alfred Hitchcock. Dat gouf séier e Markenzeechen bei senge Filmer, mä goung sou wäit, datt den Hitchcock a senge méi spéide Filmer deen Optrëtt souwäit am Ufank vum Film wéi méiglech gemaach huet, fir datt d'Spektateuren net sollen domat ofgelenkt ginn, en ze sichen.