Alfred Hitchcock

De Sir Alfred Joseph Hitchcock war en englesche Filmregisseur a Filmproduzent. Hien ass den 13. August 1899 zu London (England) gebuer an den 29. Abrëll 1980 zu Los Angeles (Kalifornien) (USA) gestuerwen.

Den Alfred Hitchcock war dat jéngst vun dräi Kanner vum William Hitchcock, vu Beruff Epicier a Geméishändler, an der Emma Jane Whelan. De jonken Alfred ass kathoulesch erzu ginn an hien huet zu London de Saint Ignatius College besicht, eng Schoul déi vu Jesuiten gefouert gouf. Wéi hie 14 Joer hat, ass säi Papp gestuerwen.

Inhaltsverzeechnes

1 Den Alfred Hitchcock an den englesche Film
2 Den Alfred Hitchcock an Amerika
3 Filmer
- 3.1 Stommfilmer
- 3.2 Tounfilmer
4 Televisiounsfilmer
5 Um Spaweck

Den Alfred Hitchcock an den englesche Film [änneren]

Am Joer 1920 hat den Alfred Hitchcock säin éischte Kontakt mam Film. Fir d'Famous Players Film Company-Lasky huet hie Filtëschentitelen fir Stommfilmer gemaach. Am Joer 1922 krut hien d'Chance Regie an dem Film mam Titel No 13 ze féieren. De Film ass awer ni fäerdeg ginn.

1925 huet hien zu München ugefaangen de Film The Pleasure Garden ze dréien, dien dann 1927 an d'Kinoe koum.

Am Joer 1926 huet den Alfred Hitchcock sech mat senger Filmassistentin Alma Reville bestuet. Si gouf seng enkste Mataarbechterin an all senge Filmer.

Alfred Hitchcock

Den éischten echten Hitchcockfilm, wéi hie selwer zum François Truffaut sot, war dann 1927 The Lodger: A Story of the London Fog.

Mat Blackmail dréint den Hitchcock am Joer 1929 säin éischten Tounfilm.

Seng interressante Filmer an de 1930er Joren waren The Man who Knew too much an The 39 Steps.

Den Alfred Hitchcock an Amerika [änneren]

Fir de Film Rebecca huet den David O. Selznick den Alfred Hitchcock am Joer 1940 op Hollywood geholl. Hei huet hien 1943 ee vu senge bëschte Filmer aus de 1940er Joren Shadow of a Doubt gedréint. et ass eng ganz schwaarz Geschicht ëm e jonkt Meedchen dat säi Monni verdächtegt e Mäerder ze sinn.

Mat dem Film Rope, no engem Theaterstéck vum Patrick Hamilton, huet den Hitchcock am Joer 1948 säin éischte Faarffilm gedréint.

Besonnesch bekannt si seng 3 Filmer mat der Grace Kelly an der Haaptroll, et sinn dat Dial M for Murder (an der 3D Technik gedréint), Rear Window an To Catch a Thief. A wonnerschéine Faarwen présentéiert sech dann The Trouble with Harry, e Film voll mat schwaarzem Humor.

Vill Filmkritiker gesinn dem Hitchcock säi Film Vertigo als säi perséinlechsten un. Hei geet et ëm e Polizeibeamten deen ënner Héichtenangscht, ënner Akrophobie leit. Déi Angscht spillt am Film d'Haaptroll.

North by Northwest ass e flotte Verfolgungs-Thriller. Bekannt ass besonnesch déi Zeen an där den Held (Cary Grant) op openem Feld vun engem Fliger ugegraff gëtt an d'Zeenen déi sech op de stenge Käpp vun den amerikanesche Presidenten um Mount Rushmore ofspillen.

Psycho, e Grujelfilm a schwaarz-weiss gedréint mat engem ganz klenge Budget, gouf ee vum Hitchcock senge groussen Erfolleger, besonnesch bekannt ass déi Zeen an där d'Marion Crane (Janet Leigh) an der Dusch erstach gëtt.

Beim Film The Birds lafen dem Spectateur d'Schudderen de Rëck erof, wann op eng Kéier brav Villercher ufänken d'Mënschen unzegréifen.

No Marnie dréint den Hitchcock nach e puer Filmer, déi awer net méi u seng viregt Filmer erukommen.

Filmer [änneren]

Stommfilmer [änneren]

No. 13 (net zu Enn gedréint) (1922)
Always Tell Your Wife (net genannt) (1923)
The Pleasure Garden (1927)
The Mountain Eagle (1927)
The Lodger: A Story of the London Fog (1927)
Downhill (1927)
Easy Virtue (1927)
The Ring (1927)
The Farmer's Wife (1928)
Champagne (1928)
The Manxman (1928)

Tounfilmer [änneren]

Blackmail (1929), Acteuren:Anny Ondra a Sra Allgood
Juno and the Paycock (1930), Acteuren:Barry Fitzgerald a Maire O'Neill
Murder! (1930) , Acteuren:Herbert Marshall, a Nora Baring
Mary (1930) , Acteuren:Alfred Abel an Olga Tschechowa
Elstree Calling (1930), Regie: zesumme mam André Charlot, Jack Hulbert a Paul Murray, Acteuren:Teddy Brown, an Helen Burnell
The Skin Game (1931), Acteuren:Edmund Gwenn an Helen Haye
Number Seventeen (1932), Acteuren:Leon M. Lion, an Ann Grey
Rich and Strange (1932), Acteuren:Henry Kendall, a Joan Berry
Waltzes from Vienna (1933), Acteuren:Esmond Knight, an Edmund Gwenn
The Man Who Knew Too Much (1934), Acteuren:Leslie Banks, Peter Lorre an Edna Best
The 39 Steps (1935), Acteuren:Robert Donat, Madeleine Carroll a Lucie Mannheim
Secret Agent (1936), Acteuren:John Gielgud, Peter Lorre a Madeleine Carroll
Sabotage (1936), Acteuren:Sylvia Sidney, Oskar Homolka a John Loder
Young and Innocent (1938) , Acteuren:Nova Pilbeam, an Derrick de Marney
The Lady Vanishes (1938), Acteuren:Margaret Lockwood, Michael Redgrave a Paul Lukas
Jamaica Inn (1939), Acteuren:Charles Laughton
Rebecca (1940), Acteuren:Laurence Olivier, Joan Fontaine a George Sanders
Foreign Correspondent (1940), Acteuren:Joel Mc Crea, Laraine Day an Herbert Marshall
Mr. & Mrs. Smith (1940), Acteuren:Carole Lombard, Ronert Montgomery a Gene Raymond
Suspicion (1941), Acteuren:Joan Fontaine, Cary Grant a Cedric Hardwicke
Saboteur (1942), Acteuren:Priscilla Lane, Robert Cummings an Otto Kruger
Shadow of a Doubt (1943), Acteuren:Theresa Wright, Joseph Cotten a Wallace Ford
Lifeboat (1944), Acteuren:Tallulah Bankhead, William Bendix a Walter Slezak
Aventure Malgache (1944) (Kuerzfilm)
Bon Voyage (1944) ( Kuerzfilm)
Spellbound (1945), Acteuren: Ingrid Bergman, Gregory Peck a Rhonda Fleming
Notorious (1946), Acteuren: Cary Grant, Ingrid Bergman a Claude Rains
The Paradine Case (1947), Acteuren: Gregory Peck, Ann Todd a Charles Laughton
Rope (1948), Acteuren: James Stewart, John Dall a Farley Granger
Under Capricorn (1949), Acteuren: Ingrid Bergman, Joseph Cotten a Michael Wilding
Stage Fright (1950), Acteuren:Jane Wyman, Marlene Dietrich a Michael Wilding
Strangers on a Train (1951), Acteuren:Farley Granger, Ruth Roman a Robert Walker
I Confess (1953), Acteuren:Montgomery Clift, Anne Baxter a Karl Malden
Dial M for Murder (1954), Acteuren:Ray Milland a Grace Kelly
Rear Window (1954), Acteuren: James Stewart, Grace Kelly a Raymond Burr
To Catch a Thief (1955), Acteuren: Cary Grant, Grace Kelly a Charles Vanel
The Trouble with Harry (1955), Acteuren: Edmund Gwenn, a Shirley MacLaine
The Man Who Knew Too Much (1956), Acteuren: James Stewart an Doris Day
The Wrong Man (1956), Acteuren:Henri Fonda, Vera Miles an Anthony Quayle
Vertigo (1958), Acteuren: James Stewart, Kim Novak a Barbara Bel Geddes
North by Northwest (1959), Acteuren: Cary Grant, Eva Marie Saint a James Mason
Psycho (1960), Acteuren: Anthony Perkins a Janet Leigh
The Birds (1963), Acteuren: Rod Taylor an Tippi Hedren
Marnie (1964)), Acteuren: Tippi Hedren a Sean Connery
Torn Curtain (1966)), Acteuren: Paul Newman, Julie Andrews an Hansjörg Felmy
Topaz (1969)), Acteuren:Frederick Stafford, Claude Jade a Karin Dor
Frenzy (1972)), Acteuren:Jon Finch a Barry Foster
Family Plot (1976)), Acteuren:Karen Black, Bruce Dern a William Devane

Televisiounsfilmer [änneren]