E-Bass
| E-Bass | |
|---|---|
 |
|
| Klassifikatioun | Chordophon Zupfinstrumenter |
| Ähnlech Instrumenter | E-Gittar, Kontrabass Akustesch Bassgittar |
En E-Bass, oft och nëmme Bass genannt, ass e Säiteninstrument, dat um Prinzip vun enger E-Gittar baséiert an vum Kontrabass oofstaamt.
Inhaltsverzeechnes |
Opbau [änneren]
E Bass huet normalerweis 4 oder 5 Säiten. Et ginn awer e puer Ausname mat 3,6 oder souguer 7 Säiten. De Korpus ass flächeméisseg méi grouss wéi dee vun enger E-Gittar, awer net onbedéngt méi déck. Den Hals ass e bëssche méi laang, wat mat sech bréngt datt den Ofstand tëschent de Bënn méi grouss wéi bei enger Gittar ass. Ausserdeem läit den Hals e bëssche méi héich, wat den Ofstand tëscht de Säiten an dem Grëffbriet vergréissert. D'Sàite sinn proportional gesinn och méi laang an mei déck wéi bei enger Gittar. Normalerweis variéiert d'Zuel vun de Bënn bei engem Bass tëscht 20 an 24.
Funktioun [änneren]
Fir déi déif Téin ze generéieren, mussen d'Säite vun engem Bass ganz déck sinn. D'Tounabnehmer, déi an der Mëtt vum Korpus, ënnert de Säiten, plazéiert sinn, huelen, ewéi bei enger elektrescher Gittar, d'Schwéngunge vun den ungespillte Säiten op. Dës ginn dann an elektresch Signaler ëmgewandelt. Dës Signaler sinn als éischt mat Dräiregeler an duerno mat enger Buchs ënnen um Korpus verbonnen, a fléissen duerch een an där Buchs agestachene Kabel an de Bass-Verstäerker, deen da schlussendlech de gespillten Toun vun sech gëtt.
Spilltechnik [änneren]
Meeschtens ginn d'Säite vum Bass mat de Fangere ugeschloen, dobäi entsteet en zimlech déiwen Toun. Verschidde Bassiste soillen awer léiwer mat engem Plektrum, dobäi komme méi dei héich Frequenzen eraus. Et gëtt awer och nach aner Spilltechniken, wei d'Slap- a Pop-Technik. Heibäi ginn d'Säite mam Daum ugeschloen, respektiv gerass, wat och e ganz aggressiven Toun mat héije Frequenze vu sech gëtt. E bëssche méi sielen ass den Tapping, dee bal nëmme bei Soloe benotzt gëtt.
Stëmmen [änneren]
En E-Bass ass normalerweis an E respektiv a B a Quarte gestëmmt. Dobäi ass déi déck Säit am déifsten an déi dënn Säit am héchsten. Fir verschidden Zwecker kënnen d'Säiten och, parallel oder eenzel, erof gestëmmt ginn. Verschidde bekannte Bassisten hunn hir eege Stëmmung entworf, well et hinnen da méi liicht fält hir Basslinnen ze spillen.
Produzenten [änneren]
Deen éischten E-Bass war e Fender Precision Bass a gouf an de 50er Joere vum Leo Fender produzéiert. Haut gëtt e vun enger ganzer Rei aneren Hiersteller kopéiert. Et goufen awer och vill aner Modeller konstruéiert, vu Produzenten ewéi Ibanez, Warwick oder Rickenbacker.
Verwandten Instrumenter [änneren]
Den E-Bass staamt vum Kontrabass of an gläicht em och. Niewent dem "normalen" E-Bass gëtt et och nach aner Bäss, ewéi den akustesche Bass, deen net elektronesch, mä mat enger Schallkescht verstäerkt gëtt oder denFretless-Bass, deen, wei den Numm et schonns seet, keng Bënn huet. Et gëtt och Bäss, déi speziell fir Lenkshänner konstruéiert sinn.
Um Spaweck [änneren]
| Commons: E-Bass – Biller, Videoen oder Audiodateien |
