Faure Gnassingbé

Vu Wikipedia
Wiesselen op: Navigatioun, sichen
De Faure Gnassingbé

De Faure Essozimna Eyadéma Gnassingbé, gebuer de 6. Juni 1966 zu Afagnan, ass de President vun Togo.

Faure Eyadéma Gnassingbé ass de Jong vum fréiere President Gnassingbé Eyadéma. No deem sengem Doud gouf en de 5. Februar 2005 vun der Arméi zum President ernannt.

Hien huet zu Paräis an op der Yale University Economie studéiert. Duerno huet hien d'Familljenentreprise geréiert. Am Juni 2002 gouf hien als Member vum Rassemblement du Peuple Togolais (RPT) an d'Parlament gewielt. 2003 gouf e Minister vun den Ëffentlechen Aarbechten, Minièren an Telekommunikatioun. Am Februar 2005 gouf e vun Arméicolonellen zum President vu sengem Land ernannt.

De Faure Eyadéma Gnassingbé huet doropshin ugekënnegt, datt bannent 3 Méint Presidentschaftswalen ofgehale sollte ginn. Bei de Walen gouf hie mat 60 % (erëm)gewielt an de 4. Mee 2005 a sengem Amt ageschwuer.

Bei de Presidentschaftswale vum 5. Mäerz 2010 gouf hie vun der Walkommissioun zum Gewënner (60,9 %) ausgeruff. Oppositionell Parteien hunn him Walmanipulatioun virgeworf.