Histologie

Vu Wikipedia
Wiesselen op: Navigatioun, sichen
Medistub.svg Dëse Medezinsartikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Erste hilfe.svg Dësen Artikel gehéiert zur Serie vun de Medezin-Artikelen. Dës Informatioune sinn zur allgemenger Weiderbildung geduecht, mä ersetzen op kee Fall en Dokter oder Apdikter! Och d'Éischt Hëllef-Rotschléi kënnen op kee Fall mat engem richtegen Éischt-Hëllef-Cours gläichgesat ginn!

D'Histologie (vu gr. histos - Tissu) ass d'Wëssenschaft vun de biologeschen Tissuen, déi an der Konstitutioun vun de verschiddene plurizellularen Organisme sinn. Domat ass d'Histologie en Deelgebitt vun der Medezin an der Biologie, méi genee vun der Anatomie an der Pathologie.

D'Histologie ënnersicht d'Tissuë mat Hëllef vu mikroskopeschen Tissutranchen a speziellen Technike fir den Tissu ze fierwen. Sou gëtt fir d'Kriibsdiagnos an der Regel en histologescht Resultat gefrot. An der Medezin gëtt prinzipiell all ewechoperéierten Deel histologesch ënnersicht.

En elementaart Aarbechtsmëttel vun der Histologie ass de Liichtmikroskop an den Elektronemikroskop, dee méi héich opléist.

Histologesch Allgemeng Klassifikatioun[änneren | Quelltext änneren]

D'Histologie behandelt haut de Studium vun:

  • den Zellen an der Cytologie
  • den Tissuen, Histologie am strengen oder klassesche Sënn
  • den Organen, speziell Histologie a mikroskopesch Anatomie

Wann ee vun der klassescher Opfaassung vun der Histologie ofkuckt, déi haaptsächlech morphologesch Wëssenschaft, huet Histologie haut enk Rapporte mat der Biochimie (Histo-Chimie, Histo-Enzymologie, ...)) a mat der der Physiologie.

Histologesch Klassifikatioun vun den Tissue bei de Mamendéieren[änneren | Quelltext änneren]

D'Histologie ass eng deskriptiv Wëssenschaft, déi déi morphologesch Kennzeeche vun deene verschiddene Gewebezorte vun den Déieren a vum Mënsch studéiert. Si beschäftegt sech - am Géigesaz zur Zytologie - net direkt mam geneeën Opbau vun den eenzelnen Zellen, mä interesséiert sech fir déi ganz Architektur, déi d'Zellen zesumme bilden. Déi méizelleg (plurizellulär) animalesch Liewewiese bestinn aus enger grousser Zuel vun Zellen, déi sech all zu verschiddenen Tissuen (Geweben) zesummendinn. Déi Aart a Weis wéi sech d'Zellen zesummendinn erlaabt eis, verschidde Grondtissuen z'ënnerscheeden.

Bei deene meeschten Déieren a beim Mënsch kann ee graff 4 Grondtissuen differenziéieren, aus deenen de ganzen Organismus opgebaut ass:

  • Epithelien: do gëtt et Ënnerscheeder tëscht deenen op der Oberfläch (extern an intern) an de Glandulen déi Ausscheedunge maachen
  • Bindegewief: deen Tissu iwwerhëlt wichteg Metabolesch an Verdeedegungsaufgaben (Blutt ass als Bindegewief ugesinn)
  • Muskelgewief: doduerch ass Mobilitéit grantéiert
  • Nervegewief: deen Tissu erméiglecht Receptioun, Transmissioun a Verschaffe vun Informatiounen

Am Folgende gëtt kuerz beschriwwen, duerch wat sech déi 4 Tissue-Typen erkenne loossen.

1. Epithelien

En Epithelium ass e Verband vun Zellen, déi ganz enk uneneen leien, an déi duerch eng "Basalmembran" vun engem Bindegewief getrennt sinn an op him opleien. En Epithelium kann op Däitsch och nach 'Deckgewebe' genannt ginn, well en eng Struktur iwwerdecken an se ëmschléisse kann. Epithelien kënnen och kleng Tübe bilden a sou eng Drüs konstruéieren. Eng Drüs ass näischt anescht wéi en tubuläre System, dee bestëmmt Stoffer sekretéiert. En Epithel kann aus enger oder e puer Schichte vun Zelle bestoen.

Fierfmethode vun der Histologie[änneren | Quelltext änneren]

Literatur zum Thema[änneren | Quelltext änneren]

  • Welsch, Ulrich: Lehrbuch Histologie, 1. Oplo, 2002, Verlag Urban & Fischer, München Jena, ISBN 3-437-42420-3 (608 S., 122 Graphiken, 486 faarweg an 203 schwaarz-wäiss Fotoen)
  • Ferd Sauber, Notes de Biologie Générale II, Section Chimie-Biologie 1999-2000
  • R.V. Krstic: Atlas d'histologie générale

Um Spaweck[änneren | Quelltext änneren]

Commons: Category:Histology – Biller, Videoen oder Audiodateien