Idroséi

Vu Wikipedia
Wiesselen op: Navigatioun, sichen
Den Idroséi vu Süden, vun der Via Treviso aus gesinn, riets am Bild d'Uertschaft Idro

Den Idroséi (it.: Lago d'Idro, och Erídio) ass e Séi an Italien an der Provënz Brescia an der Lombardei, op der Grenz mat der Regioun Trentino-Alto Adige.

De Séi huet eng Fläch vun 11,4 km², en ass ronn 10 km laang, op der breetster Plaz huet en 2,1 km an déi déifst Plaz huet 122 Meter. E läit op enger Héicht vun 368 Meter. De Séi, deen aus der Äiszäit staamt, gëtt vun de Flëss Chiese a Caffaro gefiddert. Et ass de Chiese, deen den Numm um Auslaf behält.

De Séi gëtt vu Fëscher exploitéiert an et ass d'Waasserreserve fir d'Bewässerunge vun der Géigend ëm Brescia a Mantua. Am Summer bréngt de Séi et, grad wéi de Gardaséi, op Temperature bis zu 25°C.

Uertschaften op sengen Uwännere sinn Idro, Lazzano-Tre Capitelli, Lemprato, Pieve Vecchia, Anfo, Parole, Sant'Antoni, Vesta a Ponte Caffaro.

Geographesch Koordinaten: Gnome-globe.svg 45° 46’ 31’’ N 10° 30’ 42’’ O