Kriminologie

Mat Kriminologie gëtt d'Wëssenschaft vum Verbrieche bezeechent. Haaptsächlech ginn d'Ursaachen an d'Erscheinungsforme vum Verbriechen ënnersicht.

Primäert Zil vun der Kriminologie ass et also, abstrakt (d.h. net op e bestëmmte Fall bezunnen) Erkenntnesser iwwert d'Ursaachen an déi verschidde Forme vun der Kriminalitéit ze gewannen. D'Kriminologie ëmfaasst besonneg d'Kriminalitéitstheorien an de Beräich iwwert de Sënn vun der Strof fir e Verbriechen.

Et ginn zwéi verschidde Weeër, fir d'Ursaache vun de Verbriechen ze erfuerschen: de quantitativen an de qualitative Wee.

Wichteg Beräicher, déi mat der Kriminologie zesummenhängen, sinn d'Psychologie, d'Pedagogik, d'Sociologie an den Droit.

Beräicher

Weider Beräicher, déi mat Kriminologie ze dinn hunn, sinn:

• Kriminalitéit
• Kriminalitéitstheorien
• Kriminalistik
• Kriminalstatistiken
• Kriminalbiologie
• Kriminalpolitik
• Profiler