Münster
|
|||||
|---|---|---|---|---|---|
 |
  |
||||
| Land: |  Däitschland |
||||
| Bundesland : |  Nordrhein-Westfalen |
||||
| Regierungsbezierk : | Münster | ||||
| Fläch : | 302,96 km² | ||||
| Awunner : | 291.754 (31. Dez. 2011) | ||||
| Bevëlkerungsdicht : | 963 Aw./km² | ||||
| Héicht : | 60 m | ||||
| Koordinaten: | 51° 58′ N, 7° 38′ O51.9629444444447.6286944444444Koordinaten: 51° 57′ 47″ N, 7° 37′ 43″ O | ||||
Münster ass mat ronn 45.000 Studenten (2009/2010) eng vun deene gréissten däitschen Universitéitsstied. Si ass och nach bekannt als Vëlosstad, mat offiziell ronn 500.000 Vëloen op eng 290.000 Awunner (2011), an enger Vëlosquot vun ongeféier 40% vun allen Trajeten an der Stad.
Inhaltsverzeechnes |
Geschicht[änneren]
Wuel zënter dem 6. Joerhonnert loung am Beräich vun der haiteger Doumplaz di kleng sächsesch Siidlung Mimigernaford. 793 huet de frisesche Missionär Liudger op der Fuert iwwert d'Münsteresch Aa e Klouschter gegrënnt, wat der sech entwéckelnder Stad hiren Numm ginn huet (vu lat. monasterium).
D'Awunnerzuel ass gutt geklommen an 1170 krut Münster d'Stadrecht. Vum 14. bis d'16. Joerhonnert hat Münster als Member an duerno als Viruert vun der Hanse eng grouss Bedeitung. 1534 huet déi dramatesch Episod vum Deeferräich vu Münster ugefaangen, déi bis zur Proklamatioun vum Kinnekräich Zion am September 1534 gefouert huet, an de 24. Juni 1535 op en Enn goung, wéi Truppe vum Bëschof Franz von Waldeck déi belagert Stad ageholl hunn, an déi gefoltert an higeriichten Deefer an dräi eisene Kierf op der Lambertikierch als Ofschreckung opgehaange goufen (d'Originalkierf hänken iwwregens nach ëmmer do). 1648 gouf zu Münster an Osnabrück de Westfälesche Fridde beschloss, mat deem den Drëssegjärege Krich an den Achtzegjärege Krich zu Enn koumen.
Münster huet sech och méi spéit ni duerch Industrie oder Wirtschaftsbetriber ervirgedongen, mä et sinn éischter d'Bildungs- a Verwaltungsariichtunge vun der Stad, absënns d'Universitéit, de Landschaftsverband Westfalen-Lippe an d'Bezierksregierung, déi der Stad hire Stempel opgedréckt hunn an hir de Spëtznumm "Schreifdësch vu Westfalen" abruecht hunn. Als Handelsstad ka Münster awer och nach ëmmer punkten, an an de Randberäicher an am Ëmland spillt d'Landwirtschaft eng wichteg Roll.
Zënter 1915 huet Münster offiziell de Status vun enger Groussstad.
Kuckeswäertes[änneren]
- d'Doumplaz mam Hl.-Paulus-Doum
- de Prinzipalmaart mat der historescher Märei, der Lambertikierch an dem Stadhaustuerm
- den Aaséi an d'Erhuelungsgebitt ronderëm
Bekannte Münsteraner[änneren]
- 1952, 2. Mee, Werner Schulze-Erdel, Moderator a Schauspiller
- 1954, 9. Mäerz, Matthias Matussek, Journalist a Publizist
- 1956, 13. Juli, Günther Jauch, Fernseeshowmaster a Fernseejournalist
- 1957, 12. Juli, Götz Alsmann, Museker a Moderator
- 1964, 22. Abrëll, Hajo Schumacher, Journalist an Auteur
- 1965, 4. Mäerz, WestBam, DJ
- 1969, 12. August, Tanita Tikaram, britesch Musekerin
- 1974, 22. Juli, Franka Potente, Schauspillerin
Um Spaweck[änneren]
| Commons: Münster (Westfalen) – Biller, Videoen oder Audiodateien |
