Philip Miller

Vu Wikipedia
Wiesselen op: Navigatioun, sichen
Titelblat vum Miller sengem Gäertnerdictionnaire vu 1731

De Philip Miller gebuer 1691 zu Deptford oder Greenwich, a gestuerwen den 18. Dezember 1771 zu Chelsea, London, war en englesche Gäertner a Botaniker. Seng offiziell Ofkierzung fir Botaniker a Mykologen ass „Mill.“.

De Philip Miller war vu 1721 bis kurz viru sengem Doud de Chef vum Apdikteschgaart zu Chelsea, dem Chelsea Physic Garden . Hien huet e puer Bicher geschriwwen, dorënner de Gardener's Dictionary, vu 1731.

Den 22. Januar 1730 gouf hien als Fellow vun der Royal Society gewielt.

Hie war de Léiermeeschter vum William Aiton, dee spéider Haaptgäertner vun de kinnekleche Gäert, de Kew Gardens, gouf, a vum William Forsyth, vun deem d'Forsythia den Numm krut.

De Miller huet 1733 déi éischt Kottengsgeseems an Georgia geschéckt.

Éierentaxon[änneren | Quelltext änneren]

De William Houstoun huet, fir hien z'éieren, der Gattung Milleria aus der Famill vun den Asteraceae dem Miller säin Numm ginn. De Linné huet dësen Numm spéider iwwerholl.[1][2]

Wierker[änneren | Quelltext änneren]

  • Gardener's & Florist's Dictionary (1724)
  • The gardeners dictionary : containing the methods of cultivating and improving the kitchen, fruit and flower garden, London, 1731.

Referenzen[änneren | Quelltext änneren]

  1. Carl von Linné: Critica Botanica Leiden 1737, S. 93
  2. Carl von Linné: Genera Plantarum. Leiden 1742, S. 424

Um Spaweck[änneren | Quelltext änneren]