Robert Fico
De Robert Fico ("Fitso" ausgeschwat) gebuer de 15. September 1964 zu Topoľčany, ass e slowakesche Jurist a Politiker (Smer-SD). Hie war vun 2006-2010, an ass nees zënter 2012, Premierminister.
1999 huet hien d'Smer-SD gegrënnt (hien ass hire President), där sech an de Joren duerno aner Lénksparteien ugeschloss hunn. 2006 huet d'Smer-SD d'Wale géint déi liberal Mëtt-Riets-Regierung gewonnen.De Fico gouf Premierminister vun enger Koalitiounsrtegierung mat der nationalistescher Slowakescher Nationalpartei (SNS) an der populistescher Vollekspartei-Bewegung fir eng demokratesch Slowakei (ĽS-HZDS).
Bei de Parlamentswalen am Juni 2010 gouf d'Smer-SD nees stäerkste Partei, mä d'Regierungsparteie krute keng Majoritéit méi. Et koum zu enger Véiererkoalitioun ënnert der Regierungschefin Iveta Radicová. Dës huet am November e Vertrauensvote am parlament verluer, sou datt et am Mäerz 2012 zu Neiwale koum.
Als Resultat dovunner gouf de Robert Fico nees Premierminister.
| Commons: Robert Fico – Biller, Videoen oder Audiodateien |
