Quelltext vun der Säit Avenue des Champs-Élysées weisen

{{Infobox Paräisser Strooss
| Num Arr=VIII<sup>e</sup>
| Numm= Avenue des Champs-Élysées
| x=85
| y=50
| Arrondissement= [[8. Arrondissement vu Paräis|<span style=color:#ffffff>8. Arrondissement</span>]] 
| Quartier= [[Champs Élysées|<span style=color:#ffffff>Champs Élysées</span>]]
| Ufank= [[Place de la Concorde|<span style=color:#ffffff>Place de la Concorde</span>]]
| Enn= [[Place Charles-de-Gaulle|<span style=color:#ffffff>Place Charles de Gaulle</span>]]
| Stroossen =
| Längt=1910 m 
| Breet=70 m 
| Kreatioun= [[1670|<span style=color:#ffffff>1610</span>]]
| Denominatioun= [[2. Mäerz|<span style=color:#ffffff>12. Mäerz</span>]] [[1864|<span style=color:#ffffff>1864</span>]]
| Alen Numm= Allée du Roule, Avenue de Neuilly
| Foto= Fichier:Champs-Élysées.jpg
| Legend= Vue op d'Champs-Elysées
| Stad Paräis=1736 
| DGI=1733 
}}
D''''Avenue des Champs-Élysées''', och einfach nëmme '''Champs-Élysées''', ëmgangssproochlech och '''les Champs''' an der [[Frankräich|franséischer]] Haaptstad [[Paräis]] ass eng vun de gréissten [[Avenue|Avenuë]] vun der Welt. Si läit am nordwestlechen Deel vun der Stad am [[8. Arrondissement vu Paräis|8. Arrondissement]]. Ausgangspunkt sinn d'Päerdsgruppe ''[[Chevaux de Marly]]'' vum [[Guillaume Coustou]], westlech vun der [[Place de la Concorde]]. Déi 1910 m laang a 70 m breet Avenue leeft bis op d'[[Place Charles de Gaulle]], wou den [[Arc de Triomphe de l'Étoile|Arc de Triomphe]] steet. Si läit an der Mëtt vum sougenannten ''[[Axe historique]]'' vu Paräis.

:[[Fichier:Metro-M.svg|16px]] Heihi kënnt een iwwer d'[[Paräisser Metro|Metrosstatiounen]]: ''[[Concorde (Paräisser Metro)|Concorde]], [[Franklin D. Roosevelt (Paräisser Metro)|Franklin D. Roosevelt]], [[George V (Paräisser Metro)|George V]], [[Champs-Élysées - Clemenceau (Paräisser Metro)|Champs-Élysées - Clemenceau]] a [[Charles de Gaulle - Étoile (Paräisser Metro)|Charles de Gaulle - Étoile]].''

Hiren haitegen Numm krut d'Avenue des Champs Elysées scho [[1789]]. E bedeit "Elysesch Felder" a kënnt vum [[Elysion]], wou - no der [[Griichesch Mythologie|griichescher Mythologie]] - auserwielten Helde versat ginn, wa si stierwen. D'Promenad mat de Beem op all Säit gouf ufanks „''Grand Cours''“ genannt, an ass net mam [[Cours-la-Reine]] ze verwiesselen. Déi éischt offiziell Bezeechnung war d'„Grande Allée du Roule“ ([[1670]]), dunn „Avenue du Palais des Thuilleries“ ([[1680]]), a schliisslech am ënneschte Beräich „Avenue de la Grille Royale“ an am ieweschten „Avenue de Neuilly“ ([[1778]]).

Am ënneschten ëstleche Beräich läit op den zwou Säite vun der Strooss de ''[[Jardin des Champs Élysées]]''. Hei stinn nach d'Pavillone vun der [[Weltausstellung]] aus dem Joer [[1900]], de ''[[Petit Palais]]'' mam Musée des Beaux-Arts an de ''[[Grand Palais]]'' mam wëssenschaftleche Musée „[[Palais de la Découverte]]“. Nërdlech dovu läit de ''[[Palais de l'Élysée]]'', zanter [[1873]] offiziell Residenz vum franséische President vun der Republik. Net wäit ewech fënnt een den [[Théâtre Marigny]] an den [[Théâtre du Rond Point]]. Den [[Théâtre des Champs-Élysées]] läit an enger Säitestrooss.

Hanner der Kräizung vum [[Rond-Point des Champs Élysées]] geet den ieweschten Deel vun der Avenue un, mat Geschäfter, Kinoen, Restaurantsen a Caféen.

De sougenannten ''[[Axe historique]]'' geet wäit iwwer d'Längt vun de Champs-Élysées eraus. Hie fänkt am Oste beim [[Louvre]] ([[12. Joerhonnert]]) an dem [[Arc de Triomphe du Carrousel]] ([[1807]]-[[1809]]) un, a leeft duerch d'[[Jardin des Tuileries|Tuilerien]] bis op d'[[Place de la Concorde]] mam [[Obelisk vu Luxor]]. Hei fänkt d'Avenue des Champs-Élysées un, un hirem ëstlechen Enn steet den [[Arc de Triomphe de l'Étoile|Arc de Triomphe]]. Hei geet si an d'[[Avenue de la Grande Armée]] iwwer. Den "Axe historique" leeft nach weider bis an d'Satellitestad [[La Défense]] ([[1958]]) mat der [[Grande Arche]] ([[1989]]).

== Geschicht ==
D'Gebitt hanner de Gäert vum [[Palais des Tuileries]] war vu Felder a Gäert bedeckt. Am Joer [[1616]] huet d'[[Maria vu Medici]] am südleche Beräich d'Nordufer vun der Seine mat Bamreihe beplanze gelooss, d'Promenad krut den Numm [[Cours la Reine]] (spéider ëmgangssproochlech och "''Petit Cours''").

Ënner dem [[Louis XIV. vu Frankräich|Louis XIV.]] an op eng Initiativ vum Minister [[Jean-Baptiste Colbert|Colbert]] huet am Joer [[1667]] den [[André Le Nôtre]] weider nërdlech, parallel zum "Cours la Reine" eng zweet Promenad geschaf. Dëse sougenannte "''Grand Cours''" ass exakt aus der Verlängerung vun der Zentralallee vun de Gäert vun den Tuilerien ervirgaangen, an aus him si spéider d'Champs-Elysées entstanen.

De Plang vum [[Guillaume de l'Isle]] aus dem Joer [[1716]] weist, datt ëmmer nach eng Sträif mat Weeër a Felder déi grouss Achs vun den Tuilerie vun der "''Avenue des Tuileries''" getrennt huet (déi deemools e ronne Baseng op der Plaz hat, wou haut de Rond-Point steet). Et gouf och scho verschidde Stroossen an Alleeën, déi vun der Avenue des Champs-Élyées ewechgefouert hunn. [[1724]] gouf d'Gaardenachs vun den Tuilerie-Gäert mat der Avenue verbonnen, a bis zu der [[Place Charles de Gaulle]] erweidert. D'Elysesch Felder waren en oppene Park op de Säiten, a goufe mat Beem beplanzt. No Osten hi war den onbeléifte [[Louvre]] (op der Kaart „''Vieux Louvre''“ genannt) nach keen Deel vun der Strooss, mä aner Gebaier stounge ronderëm. Am Westen ass d'Avenue bis zu der neier „Place du Pont Tournant“ gaangen, déi kuerz nom [[Louis XV. vu Frankräich|Louis XV.]] benannt gouf, an haut [[Place de la Concorde]] heescht.

Um Enn vum [[18. Joerhonnert]] goufen d'Champs-Élysées ganz beléift, an dat gréisst Gebai war de [[Palais de l'Élysée]], dee [[1722]] fäerdeggestallt gouf. D'Strooss vum Rond-Point bis zu der Place Charles de Gaulle, wou haut net manner wéi zwielef Stroossen zesummefannen, gouf ënner der Regierungszäit vum [[Napoléon Bonaparte|Napoléon I.]] gebaut, deen duerch grouss [[Urbanismus|urbanistesch]] Bauteprojete Paräis moderniséieren a verschéinere wollt. Eréischt [[1828]] ass d'Avenue an de Besëtz vun der Stad Paräis iwwergaangen, déi Foussweeër an eng Stroossebeliichtung mat Gas installéiert huet.
[[Fichier:Jean Béraud La Modiste Sur Les Champs Elysees.jpg|thumb|left|[[Jean Béraud]], ''La Modiste sur les Champs-Élysées''.]]
Wärend der [[Däitschland|däitscher]] Besatzung vun [[1940]] bis [[1944]] goufen d'Beem op der Allee verduebelt - an éischter Linn aus esthetesche Grënn, awer och fir de Schiet vun de Beem fir d'Zaldoten z'erhéijen, déi do marschéiert sinn. Zanterhier gouf d'Avenue ëmmer nees ëmgebaut, fir d'lescht am Joer [[1993]], wéi d'Trëttoiren erweidert goufen.

== Handel ==
Well de Loyer zimmlech deier ass, wunnen nëmme wéineg Leit op der Avenue des Champs-Elysées. Déi iewescht Stäck vun de Gebaier ginn haaptsächlech als Bürosraim vun [[Handelsvertrieder|Handelsvertriedungen]], [[Versécherungsgesellschaft]]en a [[Bank]]e benotzt, um Rez-de-Chaussée fënnt een an der Reegel Geschäftspassage wéi d'„''Arcades des Champs-Elysées''“, Geschäfter, Restaurantsen, Caféen, Kinoen a Banken.

Schonn am Joer [[1860]] hu sech d'Geschäftsleit aus der Avenue zu engem „''Syndicat d'Initiative et de Défense des Champs-Élysées''“ zesummefonnt, deen [[1916]] ënner dem Virsëtz vum [[Louis Vuitton]] eng „''Association''“ gouf, an zanter [[1980]] „''Comité des Champs-Élysées''“ heescht. Dëse Comité versicht, de Prestige vun de Champs-Elysées oprecht z'erhalen. En huet bis haut e Vetosrecht wann et ëm nei Geschäfter geet, déi op de Champs-Elysées opgoe sollen.

Zu den eelsten Etablissementer vun de Champs-Elysées zielen d'Parfümerie ''Guerlain'', de Restaurant ''Fouquet's'' an de Revuetheater ''Lido''.

== Evenementer ==

[[Fichier:French fire engine parading DSC00870.jpg|thumb|450px|Pompjëe vu Paräis beim Défilé vum [[14. Juli]] op de Champs-Élysées]]
All Joer fir [[Nationalfeierdag (Frankräich)|Nationalfeierdag]] de [[14. Juli]] gëtt et op de Champs-Élysées e grousse Militärdéfilé. Heizou zielen d'Buedemarméi, d'national Marin, d'franséisch Gendarmerie a Police, an d'Pompjeë vu Paräis. Dobäi sinn och ëmmer de President vun der Republik, de Gouvernement an d'auslännesch Botschafter.

D'Champs-Élysées sinn och traditionell déi lescht Etapp vum [[Tour de France]].

All Joer, vun Enn [[November]] bis Enn [[Dezember]] ginn d'Champs-Élysées fir [[Chëschtdag]] beliicht, dëst ëmmer ënner dem Patronage vun enger Perséinlechkeet wéi zum Beispill [[Alain Delon]], [[Catherine Deneuve]], [[Johnny Halliday]] oder [[Florent Pagny]] fir [[2006]].
All Joer, um Owend vum [[31. Dezember]], ginn d'Champs-Élysées eng Foussgängerzon, fir d'Neit Joer ze feieren.

=== Aussergewéinlech Manifestatiounen ===

* [[24. Juni]] [[1990]]: « ''[[Grande moisson des Champs-Élysées]]'' »: Manifestatioun déi op d'Initiativ vum [[Centre national des jeunes agriculteurs|CNJA]] organiséiert gouf, a wou d'Champs-Élysées mat anerhalwem Hektar [[Weess]] bedeckt goufen, an duerno geplout.
* [[11. Abrëll]] bis [[9. Juni]] [[1996]]: « ''Les Champs de la Sculpture'' »: Ausstelltung vun zäitgenëssesche Skulpturen.
* [[15. September]] bis [[14. November]] [[1999]]: « ''Les Champs de la Sculpture 2000'' »: Ausstelltung vun zäitgenëssesche Skulpturen.
* [[15. Mee]] bis [[17. Juni]] [[2003]]: « ''[[Train capitale]]'' »: Historesch Eisebunnsausstellung vun der [[Société nationale des chemins de fer français|SNCF]], mat engem spezielle Passagéierzuch, deen den [[1. Juni]] tëscht [[Place de la Concorde]] an [[Avenue Georges V]] gefuer ass.
* {{5. Juni}} [[2005]]: Aus de Champs-Élysées gouf eng grouss Sportsplaz fir d'Kandidatur vu Paräis bei den [[Olympesch Summerspiller 2012|Olympesche Spiller]] [[2012]].

== Literatur zum Theema ==
* Jacques Hillairet, ''Dictionnaire Historique des Rues de Paris'', Éditions de Minuit, Paräis, 1963. <small>(ISBN 2-7073-0092-6)</small>
* Fritz Stahl, ''Paris. Eine Stadt als Kunstwerk'', Rudolf Mosse Buchverlag, Berlin, 1929.

== Um Spaweck ==
{{Commonscat|Avenue des Champs-Élysées}}
* {{en}} [https://web.archive.org/web/20090503184216/http://www.champselysees.org/ Säit vun de Champs-Élysées mat enger Lëscht vun alle Geschäfter]
* {{fr}} [http://paris1900.lartnouveau.com/paris08/les_champs_elysees.htm Fotoe vun 1900 bis haut]
* {{fr}} [http://www.parisenimages.fr/ Fotografesche Patrimoine vun der Stad Paräis]
[[Fichier:Avenue des Champs-Élysées street sign, Paris, France - 20100619.jpg|thumb|left]]
{{LinkPortalParäis}}

[[Kategorie:Bekannt Stroossen|Champs-Elysees]]
[[Kategorie:Stroossen am 8. Arrondissement vu Paräis|Champs-Elysees]]