Quelltext vun der Säit Cinénygma Luxembourg International Film Festival weisen

De '''Cinénygma Luxembourg International Film Festival''' war e lëtzebuergesche [[Filmfestival]], deen tëscht 1997 an 2006 organiséiert gouf an op [[Fantasyfilm]]er spezialiséiert war. De beschte Film krut de Filmpräis "Méliès d'argent".

== Geschicht ==

Bei der 10-Joer-Feier vum Stater Kino [[Utopia (Kino)|Utopia]] hu sech de Lëtzebuerger Romain Roll an den Englänner Duncan Roberts fir d'éischt Kéier begéint a gemierkt, datt hir gemeinsam Passioun de Kino ass. Si sinn zesummen op der ''Festival international du film fantastique'' zu [[Bréissel]] gaangen an hunn am Mäerz 1995 mat engem fréieren Utopia-Mataarbechter eng éischt ''Nuit du film fantastique'' zu Lëtzebuerg organiséiert. Wéinst dem Erfolleg hu si 1996 eng zweet Editioun organiséiert, an 1997, mat Ënnerstëtzung vun den Organisateure vum Bréisseler Festival,<ref>formatcourt.com: [http://www.formatcourt.com/2011/11/romain-roll-a-cannes-il-faudrait-absolument-avoir-une-salle-melies-ce-serait-un-vrai-hommage-a-ce-grand-personnage-qui-a-su-reveler-le-vrai-cinema/ ''Romain Roll: À Cannes il faudrait absolument avoir une salle melies.''] vum Katia Bayer (14. November 2011)</ref> den éischte Cinénygma organiséiert.<ref name=woxx030321>woxx.lu: [https://www.woxx.lu/720/?highlight=Cin%C3%A9nygma ''Duncan Roberts: „Luxembourg, mon home“''] vum Paca Rimbau Hernández (21. Mäerz 2003)</ref> D'''Nuit du film fantastique'', bei där véier Filmer noenee gewise goufen, gouf awer bis zum Schluss weiderhin als Deel vum reguläre Festival organiséiert. 1998 krut de Filmfestival a Subside vum Lëtzebuerger Filmfong an Héicht vun 100.000 Lëtzebuerger Frang.<ref name=rapmincul98>[https://data.public.lu/fr/datasets/rapports-dactivite-du-ministere-de-la-culture/#_ ''Rapport d'activité du Ministère de la culture 1998''], Mäerz 1999, Säit 205</ref>

Vun 2000 u war de Cinénygma Member vun der Europäescher Federatioun vun de fantastesche Filmfestivallen<!--European Federation of Fantastical Film Festivals-->. Vun do u gouf dowéinst de [[Filmpräis]] "Méliès d'argent" fir de beschten europäesche [[Fantasyfilm]] fir [[Spillfilm]]er a [[Kuerzfilm]]er verdeelt. Och op aneren europäesche Filmfestivalle gouf dee Präis verdeelt. D'Gewënner waren doduerch nominéiert fir den europawäiten "Méliès d'or" ze gewannen.

De Festival krut keng finanziell Ënnerstëtzung vun de Stad Lëtzebuerg. E krut e Subside vum europäesche Filmfërderprogramm MEDIA Plus, mee dee war an de leschte Joren och erof gaangen, vu 15.000 Euro an de Joren 2003 an 2004 op 10.000 Euro 2005 an 2006.<ref>[http://www.filmfund.lu/t/documents/annual-reports-balance-sheets Joresberichter 2003, 2004, 2005 an 2006 vum ''Fonds national de soutien à la production audiovisuelle'']</ref> Ënner anerem dowéinst hunn d'Organisateuren 2006 entscheet, keng weider Editioune vum Cinénygma ze organiséieren. Nieft de Budgetsproblemer war och d'Annonce vun der [[Stad Lëtzebuerg]] fir d'Joer drop mat [[Luxembourg City Film Festival|DirActors Cut]] en eegene Festival opzesetzen, deen eng direkt Konkurrenz fir de Cinénygma gewiescht wier, en Haaptgrond, fir opzehalen.<ref>cineuropa.org: [https://www.cineuropa.org/en/newsdetail/70125/ ''Luxembourg wiped off the European festival map''] vum [[Boyd van Hoeij]] (23. November 2006)</ref>

== Editiounen ==

==== 1. Editioun (1997) ====

Bei der éischter Editioun goufen 18 Fantasyfilmer gewisen.<ref name=woxx030321/>

==== 2. Editioun (1998) ==== 
{{Kapitel Info feelt}}
==== 3. Editioun (1999) ==== 
{{Kapitel Info feelt}}
==== 4. Editioun (2000) ====

De "Méliès d'argent" gouf fir d'éischt Kéier verdeelt an ass un dem brittesche Regisseur Simon Hunter säi ''Lighthouse'' gaangen.

==== 5. Editioun (2001) ====

De "Méliès d'argent" fir de beschte Spillfilm ass un dem Schwed Michael Hjorth säin ''Det okända'' (engl.:''The Unknown'') gaangen, dee fir de beschte Kuerzfilm un de franséischen ''Il est difficile de tuer quelqu'un, même un lundi''.

2001 gouf de Publikumspräis agefouert. Priméiert gouf den däneschen ''I Kina spiser de hunde'' (engl.: ''In China They Eat Dogs'').

==== 6. Editioun (2002) ====

Déi sechst Editioun war vum 4. bis den 13. Abrëll 2002<!--oder bis de 14.?--> am [[Utopolis]] an an der [[Stater Cinemathéik]].

De "Méliès d'argent" fir de beschte Spillfilm ass un d'Lëtzebuerger Koproduktioun ''[[Dog Soldiers]]'' gaangen, dee fir de beschte Kuerzfilm un de spuenesche Film ''Brasil'' vum F. Javier Gutiérrez. ''Donnie Darko'' krut de Publikumspräis.

Um Programm war och d'Weltpremière vum [[Pol Cruchten]] sengem ''[[Boys on the Run (Film 2002)|Boys on the Run]]''.<ref>woxx.lu: [https://www.woxx.lu/992/?highlight=Cin%C3%A9nygma ''POL CRUCHTEN: Boys on the Run''] vum Sylie Bonne (12. Abrëll 2002)</ref> Och aner lëtzebuergescher Filmer goufe gewisen: der [[Désirée Nosbusch]] hiren éischte Kuerzfilm ''[[Ice Cream Sundae]]'', d'[[Samsa Film|Samsa]]-Produktioun ''[[Le troisième oeil]]'' vum [[Christophe Fraipont]] a ''[[CQ (Film)|CQ]]'' vum [[Roman Coppola]] ([[Delux Productions]]).<ref>land.lu: [https://www.land.lu/page/article/564/1564/FRE/index.html ''Des stars, c'est bien. Des structures, c'est mieux''] vum Josée Hansen (18. Abrëll 2002)</ref>

==== 7. Editioun (2003) ====

Déi 7. Editioun gouf vum 27. Mäerz bis de 4. Abrëll 2003 am [[Utopolis]] organiséiert. Dës Kéier gouf net de "Méliès d'argent" verdeelt, mee den europawäite "Méliès d'or" fir de beschte Fantasyfilm, deen op engem vun de Festivalle vun der ''Europäescher Federatioun vun de fantastesche Filmfestivallen'' gelaf ass. Aacht Filmer waren an der offizieller Kompetitioun.<ref>cineuropa.org: [https://cineuropa.org/fr/newsdetail/22482/ ''Amateurs de frissons à Utopolis''] vum Marie-France Dupagne (13. Mërz 2013)</ref> De "Méliès d'or" fir de Spillfilm ass un de spuenesche ''Fausto 5.0'' gaangen, dee fir de Kuerzfilm un de belschen ''Oh My God?!'' De Publikumspräis krut den däitsche Film ''Ein Leben lang kurze Hosen tragen''. D'Präiszeremonie gouf vun der [[Viviane Reding]] presidéiert.<ref>woxx.lu: [https://www.woxx.lu/723/?highlight=Cin%C3%A9nygma ''CINENYGMA: Maturité atteinte''] vum Nassio Beltrán (11. Abrëll 2003)</ref>

==== 8. Editioun (2004) ====

Bei der 4. Editioun, vum 28. Mäerz bis den 2. Abrëll 2004, krut den däitsche Spillfilm ''Tears of Kali'' de "Méliès d'argent".<ref>horror-page.de: [https://www.horror-page.de/tears-of-kali-vamp/ ''Tears Of Kali''] (net datéiert)</ref>.

D'Zuschauer hunn den iresche ''Cinegael Paradiso'' fir de Publikumspräis gewielt.

D'Avant-première vun der Lëtzebuerger Koproduktioun ''[[George and the Dragon]]'' huet de Festival opgemaach. Elleng déi Virféierung huet 1.200 Zuschauer ugezunn.<ref name=ff04>[https://gouvernement.lu/fr/actualites/toutes_actualites/articles/2005/08/31schiltz_biltgen_filmprais.html ''Fonds national de soutien à la production audiovisuelle: Rapport annuel 2004'']</ref>

==== 9. Editioun (2005) ====
Déi 9. Editioun gouf tëscht dem 13. an 19. November 2005 organiséiert.

De spuenesche Film ''Chatarra'' gouf als beschten europäesche Kuerzfilm ausgezeechent an de brittesche Film ''London Voodoo'' krut de Publikumspräis. De "Meliès d'argent" ass un den norwegeschen ''Naboer'' (Next Door) vum Pål Sletaune gaangen.<ref name=cineuropa061025>cineuropa.org: [https://cineuropa.org/fr/newsdetail/68943/ ''The Room de Daoust ouvre la 10ème de Cinénygma''] vum Boyd van Hoeij (25. Oktober 2006)</ref>

''Star Fly'' vun der Lëtzebuergerin [[Beryl Koltz]] krut de "Kodak Short Movie Award".<ref name=paperjam0611>paperjam.lu: [https://paperjam.lu/article/news-end-era ''End of an Era''] vum Mary Carey (3. November 2006)</ref> Doduerch war en eligibel fir de "Méliès d'or" fir Kuerzfilmer, deen en dunn och 2006 um finnesche Filmfestival vun [[Espoo]] gewonnen huet.<ref>gouvernement.lu: [https://gouvernement.lu/fr/actualites/toutes_actualites/communiques/2006/08/28starfly.html ''Le film "Starfly", réalisé par Beryl Koltz, remporte le Méliès d'Or du meilleur court-métrage au Espoo Ciné International Film Festival en Finlande''] (27. August 2006)</ref>

==== 10. Editioun (2006) ====

Déi 10. a lescht Editioun war vum 22. bis den 28. Oktober 2006. Dofir gouf nees de Publikumspräis agefouert.

Aacht Filmer waren an der Kompetitioun fir de"Méliès d'argent", dorënner de lëtzebuergeschen ''[[In a Dark Place]]'' vum [[Donato Rotunno]].<ref name=cineuropa061025/> De "Meliés d'argent" hunn den däitsche Spillfilm ''[[Rohtenburg]]'' an den ireschen ''The Faeries of Blackheath Woods'' gewonnen.

Donieft goufen och nach aner lëtzebuergesch Filmer baussent der Kompetitioun gewisen, dorënner ''[[The Plot Spoiler]]'' vum [[Jeff Desom]].<ref name=paperjam0611/>

== Um Spaweck ==
{{Autoritéitskontroll}}
{{Referenzen}}

[[Kategorie:Filmfestivallen]]