Quelltext vun der Säit Heeschbreger Bildchen weisen

{{coor dms1 uewen|49|45|9.65|N|6|19|39.91|O}}
[[Fichier:Heeschbrecher-Bildchen--w.jpg|thumb|D'Heeschbreger Bildche vun der Strooss aus gesinn]]
[[Fichier:Heeschbrecher-Bildchen-Stat.jpg|thumb|D'Statu an der Eech. D'Original ass an der [[Kierch Altréier|Kierch op der Schanz]]]]
[[Fichier:Heeschbrech-Eech-klass--w.jpg|thumb|Plackett "klasséierte Bam" op der Eech]]

D''''Heeschbreger Bildchen''' ass e Madonnepilgeruert zu [[Heeschbreg]], fir déi et an der Zäit eng Rei weider Nimm gouf, déi awer haut net méi geleefeg sinn: Maria Hilf im Walde; Maria Hilfe in der Not; Maria im Walde; Bildchenskuescht; Kuescht.<ref>Kuescht oder Kues ass eng al lëtzebuergesch Bezeechnung fir e Bam, meeschtens eng [[Eechen|Eech]].</ref>

Se ass zanter 2004 als [[Lëscht vun den nationale Monumenter an der Gemeng Bech|nationaalt Monument klasséiert]].<ref>{{INPA-AC}}</ref>

D'Kombinatioun Marienhellegtum – [[Eechen|Eech]] ass zimmlech verbreet. D'Pilgeruertschaft [[Montaigu]] (Scherpenheuvel) an der [[Belsch]] geet op e Mariebild an enger Eech zeréck. Och d'[[Veianer Bildchen|Bildche vu Veianen]] huet am Ufank tëscht den Äscht vun enger Eech gestanen. A Frankräich gëtt e ''Chêne de la Vierge'' am Staatsbësch vun Tannières no bei den Uertschafte [[La Baffe]] an [[Archettes]].

===Urspronk vun der Pilgerplaz===
Wann am Laf vun der Geschicht d'Leit aus der Géigend dës Fro gestallt kruten, hu si ëmmer geäntwert, datt déi Marieneech nach ëmmer do stoung. De Professer [[Jean Engling]] mengt 1859, datt d'Bildchen op en heednesche Kult zeréckgeet. Deemools gouf et d'Bestriewen, d'Urspréng ganz fréi ze datéieren, fir d'Wichtegkeet z'ënnersträichen. Dëse Kult wier dann ersat ginn duerch chrëschtlech Aflëss, d.&nbsp;h.en Hellegebild ass an d'Plaz vum Gëtzebild komm.

Fir dës Theorie schwätzt Follgendes: 
# Bam-Nischen un heedneschen “hellege Beem” – v.a. un Eechen - waren net rar, et ware Plaze wou Affere gemaach goufen.
# 300 m vun der Eech ewech goufe vill Tounstatuette vun der Fruchtbarkeetsgëttin Nehalienna, an och Mënze fonnt.

Trotzdeem gëtt dës Theorie vun engem heedneschen Urspronk haut net méi vertrueden. Méiglecherweis geet déi haiteg Marieveréierung zeréck op en Ereegnes vum [[30. Mee]] [[1731]]. Vun dräi Bridder ginn der zwéi vum Blëtz erschloen. Als Merci fir seng Rettung léisst deen drëtten, de Bernard Mathias Deitz, dat bekannt Bild an der Eech opstellen. Obwuel dat Ganzt no Legend kléngt, gëtt et eng historesch Grondlag, well am Joer [[1895]] huet de Paschtouer Christian Beck am Douderegëster eng Inscriptioun fonnt, déi beleet datt effektiv den 30. Mee 1731 de Johann an de Bernhard Deitz ënner enger Eech vum Blëtz erschloe goufen. Net auszeschléissen ass awer, datt d'Maria schonn am [[17. Joerhonnert]] bei der Heeschbreger Eech veréiert gouf.<ref>J. Hess: ''Die Marieneiche von Hersberg.'' In: An der Ucht, 20(1966). Cf. Massard 1998, S. 384.</ref>

Et si virun allem Fraen dohi gepilgert - Fraen, déi e Kand erwaart hunn, a Fraen, deenen hir Männer am Krich waren. Op d'mannst zënter 1936 geet de 15. August, op [[Léiffrawëschdag]], owes eng Liichterpressioun vun der [[Altréier|Schanzer]] Kierch, ugefouert vun der Becher Musek, bei d'Eech, wou en Altor an eng schéi faarweg Dekoratioun (vill Luuchten asw.) ubruecht sinn, a wou dann eng [[Mass]] mat Priedegt gefeiert gëtt.

== D'Statu ==
Den Original vun der Statu steet an der [[Kierch Altréier|Kierch op der Schanz]], a gëtt fir d'Pressessioun op Léiffrawëschdag do erausgeholl. Bis den Hierscht 2006 stoung am Bam eng [[gips]]e Statu, déi vum ''[[Institut national pour le patrimoine architectural|Service des sites et monuments nationaux]]'' du mat enger Kopie vum Original ersat gouf.
==D'Eech==
D'Mariebild steet an enger Nisch an enger Eech, déi zu de [[Bemierkenswäert Beem zu Lëtzebuerg|bemierkenswäerte Beem zu Lëtzebuerg]] gehéiert an zënter 2004 als [[Lëscht vun de klasséierte Monumenter|nationaalt Monument]] klasséiert ass<ref>Arrêté du conseil de gouvernement, séance du 7 mai 2004: Art. 1er. - Est classé monument national le chêne pédonculé connu sous l'appellation « Bildchenkuescht op der Schanz », sis à Altrier-Hesberg, inscrit au cadastre de la commune de Bech, section E d'Altrier, sous le no 385/1744, appartenant au Domaine de l'État. Le terrain de la parcelle cadastrale sera compris dans le classement en qualité de périmètre de protection.</ref>.

{{Méi Info 1|Eech zu Heeschbreg}}

== Literatur ==
* [[Christina Mayer|Mayer, Christina]], 2010, ''Topographie der Baukultur des Großherzogtums Luxemburg. Band 1. Kanton Echternach'', Ministère de la culture, [[Service des sites et monuments nationaux]], ISBN 978-2-495-15120-7, S. 156

==Quellen==
* Administration des eaux et forêts, 1981. ''Arbres remarquables du Grand-Duché de Luxembourg.'' Imprimerie Saint-Paul, Lëtzebuerg. 167 S. (Cf. S. 12-13, Text a Foto).
* Engling, Johann (Jean), 1861. ''Unsere Marienbäume - einst Sitz der Abgötterei und des Aberglaubens. Ein Beitrag zur Geschichte des Christentums im Luxemburger Lande.'' Publications de la section historique XVI, S. 96-118.
* Faber, Ernest, 1893. ''Alte Bäume''. St. Paulus-Gesellschaft, 36 S. (Cf. S. 13-14).
* Faber, Ernest, 1920. ''Die Baumriesen des Grossherzogtums Luxemburg in Wort und Bild mit Erwähnung hervorragender ausländischer Riesenbäume.'' - Franz Faber, Miersch, 95 S. Text a 24 Fotosäiten.
* Sinner, J. et al., 2002. ''Les arbres remarquables.'' Administration des eaux et forêts. Musée national d'histoire naturelle. 255 S. Imprimerie centrale S.A. (Cf S. 48-49, Text a Foto).
* Vgl.: [[Jos Massard|Massard, J.A.]], 1998. [http://massard.info/pdf/noscah1998.pdf ''Historisch-naturwissenschaftlicher Streifzug durch den Kanton Echternach'']. In: {{Nos cahiers}}, Joer 19 (2-3): 363-393 (Cf. S. 381-385).

{{Referenzen an Notten}}

== Kuckt och ==
* [[Veianer Bildchen|Bildchen-Kapell]] zu [[Veianen]]
* [[Bemierkenswäert Beem zu Lëtzebuerg]]
* [[Lëscht vun den nationale Monumenter an der Gemeng Bech]]

== Um Spaweck ==
{{Commonscat|Remarkable oak in Hersberg-Altrier|Eech zu Heeschbreg}}

{{clear|right}}
== Fotoen==
<gallery perrow="3" widths="200">
Fichier:Oak at Hersberg, Luxemb 01.jpg|D'Heeschbreger Bildchen am Summer...
Fichier:LuxembHersbergBildchen01.jpg|... an am Wanter
Fichier:LuxembHersbergBildchen02.jpg|Riets d'Strooss vun der Schanz erof op Heeschbreg
</gallery>

{{Navigatioun Pilgeruertschaften Hl. Maria}}

[[Kategorie:Pilgerplazen zu Lëtzebuerg]]
[[Kategorie:National Monumenter a Landschaften zu Lëtzebuerg]]