Quelltext vun der Säit Kierch Béiwen weisen

{{Infobox Kierchentabell nei
 | Numm = Kierch vu Béiwen
 | Foto gewënscht =
 | Bild = Kirche Bavigne 01.jpg
 | Bildtext = Filialkierch vu Béiwen (2014)
 | Bild héich = 
 | Bildtext héich = 
 | Uertschaft = [[Béiwen]]
 | Par = [[Par Öewersauer Saint-Pirmin|Öewersauer<br>Saint-Pirmin]]
 | Dekanat = [[Dekanat Norden|Norden]]
 | Numm / Patréiner = [[Martin vun Tours|Hl. Mäerten]]
 | Architekt(en) =
 | Baujoer = 1744
 | Konsekratiounsjoer = 1745
 | Koordinaten = {{coor dms|49|55|11.5|N|05|50|50.5|O}}
 | Bild ënnen = Kirche Bavigne 04.jpg
 | Bildtext ënnen = 
 }}
D''''Kierch zu Béiwen''' ass eng [[Kathoulesch Kierch|kathoulesch]] [[Kierch]], déi zur [[Par Öewersauer Saint-Pirmin]], zum [[Dekanat Norden]] an zu der [[Stauséigemeng]] gehéiert.

De [[Patréiner]] vun der Kierch ass den [[Martin vun Tours|hellege Mäerten]], deem säi Fest den 11. November gefeiert gëtt.

D'Kierch steet am südlechen Deel vun der Uertschaft an der Strooss ''Um Knupp'', net wäit vun der {{N26}}. Ronderëm d'Kierch ass nach den ale [[Kierfecht]] ze gesinn, deen neie Kierfecht läit baussent dem Duerf am Meecherwee.

D'Kierch steet zesumme mam ale Kierfecht zanter dem 28. Dezember 1961 op der [[Lëscht vun de klasséierte Monumenter]] als "Monument national".

== Geschicht ==
Béiwen war zanter 1807 eng eegestänneg Par, virdrun huet et zur Par Bauschelt gehéiert.

Bis de 7. Mee 2017 war et d'Parkierch vun der [[Par]] Béiwen. Et war déi eenzeg Kierch an där Par.

D'Gebai geet a senger haiteger Form op d'Joer 1744 zeréck. Den Tuerm geet awer bis an d'[[Mëttelalter]] zeréck an d'Kiercheschëff an den [[Altor]] op 1741. De 4. Juli 1745 gouf d'Kierch vum Weihbëschof Pierre-Louis Jacquart vu Léck konsekréiert.

Den [[Altor]] gouf 1741 vum bekannte [[Wolz]]er [[Schräiner]] a [[Sculpteur]] [[Nicolas Jacques]] geschnëtzt. De Grondrëss vum Altor ass en Oval. No uwe schléisst den Altor mat engem Baldachin of, deen op Saile steet. D'Konscht vum Nicolas Jacques kënnt richteg zum Droe mat de [[Rocaille]]-Blatdekoratiounen an den Dunnen. D'Statu vum hellege Mäerten als Zentralfigur vum Altor ass méi al wéi den Altor selwer.

1743 hëlt den Nicolas Jacques dee selwechten Opbau, awer vergréissert, fir d'Kierch vu [[Wolz]].

1957 gouf den Altor ënner dem Paschtouer Jean-Pierre Belche restauréiert.

== Uergel ==
Dem Veräin [[Uergelfrënn Béiwen]] asbl. ass ze verdanken, datt d'Kierch, déi jorelaang nëmmen en [[Harmonium]] hat, am August 2006 eng nei Päifenuergel vun der [[Uergelmanufaktur Georg Westenfelder|Manufacture d'orgues luxembourgeoise Georg Westenfelder]] opgeriicht krut. Nodeem d'Uergelfrënn, déi den 1. Juni 2003 gegrënnt goufen, bei der [[Commission de Surveillance des Bâtiments Religieux]] en Avis gefrot haten, koum et den 21. Oktober 2005 zu enger Visite, déi zu engem positiven Avis gefouert huet.

== Fënsteren ==
D'Fënstere vun 1952 si vum [[Gustave Zanter]].

== Kräizwee ==
D'Kräizwee-Statiounen als Schifer-Relief vun 1960 si vum [[Emile Hulten]]. Vum Hulten sinn och déi 14 Kräizweestatiounen aus Sandsteen, déi 1957 laanscht den ''Harelerberg'' bis bei d'Kapell op dem Kierchebierg opgestallt goufen.

== Kuckt och ==
* [[Lëscht vun den nationale Monumenter an der Stauséigemeng]]
* [[Lëscht vu reliéise Gebaier zu Lëtzebuerg]]
* [[Lëscht vun de Lëtzebuerger Paren]]
* [[Lëscht vun de fréiere Lëtzebuerger Paren]]

== Um Spaweck ==
{{Commonscat|Église Saint-Martin (Bavigne)|{{PAGENAME}}}}
* [https://web.cathol.lu/rubrique68 Websäit vun der Par Öewersauer Saint-Pirmin]
* [https://web.archive.org/web/20170621142313/http://www.ssmn.public.lu/fr/patrimoine/religieux/eglises/region_oesling/bavigne.html D'Kierch vu Béiwen op der Websäit vum ''Institut national pour le patrimoine architectural''] {{fr}}
* [http://www.glasmalerei-ev.de/pages/b1819/b1819.shtml D'Fënstere vun der Kierch vu Béiwen op der Websäit vun der ''Stiftung Forschungsstelle Glasmalerei des 20. Jh. e.&nbsp;V.''] {{de}}
* [http://orgues.lu/index.php?option=com_content&view=article&id=355:boewingen&catid=93&Itemid=471 D'Uergel vun der Kierch op der Websäit ''Orgues.lu'']

<gallery>
Kirche Bavigne 02.jpg|D'Kierch vu Weste gesinn
Kirche Bavigne 03.jpg|Agank vun der Kierch
Béiwen Kierch vum Duxall.jpg|De Banneraum vum Duxall aus gesinn
</gallery>

[[Kategorie:Kierchen a Kapellen am Dekanat Norden|Beiwen]]
[[Kategorie:Stauséigemeng]]
[[Kategorie:Klasséiert Kierchen a Kapellen|Kierch Beiwen]]
[[Kategorie:Bauwierker 1744]]
[[Kategorie:Kierchen zu Lëtzebuerg no Uertschaft|Beiwen]]