Quelltext vun der Säit Kierch Trënteng weisen

{{Infobox Kierchentabell nei
 | Numm = Kierch vun Trënteng
 | Foto gewënscht =
 | Bild = 
 | Bildtext = 
 | Bild héich = Trënteng Kierch.jpg
 | Bildtext héich = Filialkierch vun Trënteng (2013)
 | Uertschaft = [[Trënteng]]
 | Par = [[Par Dräilännereck Musel a Ganer Saint-Nicolas|Dräilännereck Musel a Ganer<br>Saint-Nicolas]]
 | Dekanat = [[Dekanat Osten|Osten]]
 | Numm / Patréiner = [[Stephanus|Hl. Stephanus]]
 | Architekt(en) = [[Charles Arendt]]
 | Baujoer = 1857
 | Konsekratiounsjoer = 
 | Koordinaten = {{coor dms|49|34|24.2|N|06|16|43.0|O}}
 | Bild ënnen = Trënteng Kierch-002.jpg
 | Bildtext ënnen = D'Trëntenger Kierch aus nordwestlecher Richtung gesinn
 }}
D''''Kierch zu Trënteng''' ass eng [[Kathoulesch Kierch|kathoulesch]] [[Kierch]], déi zur [[Par Dräilännereck Musel a Ganer Saint-Nicolas|Par Drailännereck Musel a Ganer Saint-Nicolas]], zum [[Dekanat Osten]] an zu der [[Gemeng Bous-Waldbriedemes]] gehéiert.

D'Kierch, déi an der Kierchstrooss steet, ass der [[Onbefleckt Empfängnis|onbefleckter Empfängnis]] geweit. D'Fest gëtt den 8. Dezember gefeiert. Se huet als [[Patréiner]] den [[Stephanus|hellege Stephanus]] (Étienne). Ronderëm d'Kierch ass de [[Kierfecht]] ugeluecht.

Zur Filial [[Trënteng]] gehéiert ausser der Kierch och nach d'[[Kapell Trënteng|Klaus-Kapell]] um Stiewesbierg (resp. Klausbierg).

== Geschicht ==
Trënteng war schonn am Joer 1809 eng eegestänneg Par, allerdéngs hat se kee Paschtoueschhaus a sou gouf kee Geeschtleche fir d'Par fonnt. Doropshi gouf se 1827 rëm eng Filial vun der Par Waldbriedemes.

An den 1830er Jore gouf dunn e Parhaus gebaut an Trënteng gouf 1853 nees eng Par.

Nodeems schonn Enn vum 18. Joerhonnert déi al Trëntenger Kierch op der Klaus (vun där haut just nach de Chouer, déi aktuell Klauskapell um Stiefesbierg, erhalen ass), gouf iwwert Pläng fir eng nei Kierch nogeduecht. Déi Iddi ass awer réischt Mëtt vum 19. Joerhnonnert realiséiert ginn.

Mam Bau vun der aktueller Kierch gouf 1854 ugefaang a se gouf 1857 fäerdeg. D'Pläng ware vum Architekt [[Charles Arendt]] gezeechent ginn. Schonn 1880 huet d'Kierch misse vergréissert ginn, an den haitege [[Chouer (Kierch)|Chouer]] gouf bäigebaut. Den 8. November 1857 gouf d'Kierch feierlech ageweit.

De 14. Oktober 2015 gouf d'Kierch inklusiv d'Miwwelen a mam Kierfecht ronderëm an [[Lëscht vun den nationale Monumenter an der Gemeng Waldbriedemes|d'Lëscht vun de klasséierte Monumenter]] agedroen. D'Uergel an der Kierch war schonns den 23. August 2000 klasséiert ginn<ref>{{INPA-SW}}</ref>

Déi fréier Par Trënteng gouf de 7. Mee 2017 duerch d'Par Dräilännereck Musel a Ganer Saint-Nicolas ersat.

== Altor a Miwwelen==
Den Héichaltor staamt aus dem Joer 1866. E gouf den 9. August 1871 vum Bëschof Nikolaus Adames konsekréiert. Déi 2 grouss Statuen um [[Altor|Haaptaltor]] si lénks den [[Stephanus|hellege Stephanus]], mat engem [[Pällem]]-Wësch a mat enger [[Liturgescht Gewand|Dalmatik]] ugedoen, a riets den [[Rochus vu Montpellier|hellege Rochus]], mat Pilgerstaf, enger [[Pescht]]wonn um Been, a mat engem Hond.

Bis an d'1960er Jore gouf et och zwéi Säitenaltär: ee Jousefs- an e Muttergottesaltor.

Den Zelebratiounsaltor gouf aus Deeler vun der aler Kommiounsbänk aus dem Joer 1898 aus Marber zesummegebaut.

D Kierch huet 2 Beichtstill ënner dem Duxall, déi 1903 ugeschaaft goufen. Eppes Besonnesches, dat d'Kierch eenzegaarteg mécht, si 4 weider Beichtstill, déi ee bei Bedarf aus der Holzvertäfelung klappe kann.

D'Dafkapell am Agang vun der Kierch gouf 1927 ageriicht, den Dafsteen ass och haut nach erhalen, allerdéngs gëtt en net méi benotzt.

Am Ufank stoungen nach d'Bänken aus der aler Kierch vum Stiewesbierg (Klausbierg), der haiteger [[Kapell Trënteng|Klaus-Kapell]] dran. Kuerz nodeem d'Kierch 1880 vergréissert gouf, ass se mat neie sculptéierte Bänken ekipéiert ginn. Och d'hëlze Vertäfelung déi haut nach do ass, staamt aus där Zäit. Déi sculptéiert Bänke si bis op e puer Ausnamen an de 60er Jore vum [[20. Joerhonnert]] verbrannt ginn. 1954 huet d'Kierch nei Fënstere vum Glasmécher<!--sou steet et am DFL--> [[Gustave Zanter]] (1916-2001) kritt.

Am Chouer hänken zwee Biller, vun 1893 an 1894, vum Kënschtler Marius Grenier, deen a senger Jugendzäit dacks zu Trënteng war an säin Atelier zu Paräis hat. Déi Biller weisen op der enger Säit de Paschtouer Michael Molitor, dee virum hellege Stephanus knéit, wärend eng Pressioun am Hannergrond bei d'Klauskapell eropgeet. Op der anerer Säit hänkt e Bild mam Altor vun der Klauskapell.

== Uergel ==
D'[[Uergel]] aus dem Joer 1878 gouf am Joer 2000 als Nationaalt Monument klasséiert.

{{Méi Info 1|Uergel Kierch Trënteng}}

== Klacken ==
Zu Trënteng lauden 3 Klacken:
* Christus-Kinneks-Klack (1961 aus der Klackegéisserei Johannes Mark zu Brockscheid bei Daun, 1800&nbsp;kg), eng Bourdonsklack am Toun Do Dièse
* Immukulata-Klack (1890 aus der [[Klackegéisserei Causard|Géisserei F. & A. Causard]], [[Tellin]]/[[Colmar]], gegoss, 1000&nbsp;kg) am Toun Mi 
* Josephs-an Donatusklack (1961 an der Klackegéisserei Johannes Mark zu Brockscheid bei Daun gegoss, 800&nbsp;kg) am Toun Fa Dièse

== Paschtéier vun Trënteng ==
* 1853 - 1862: Jacobus Kirpach
* 1862 - 1867: Jo-Bapt. Scheer
* 1867 - 1915: Michael Molitor
* 1915 - 1920: Theodorus Bertrang
* 1920 - 1933: Petrus Collignon
* 1933 - 1949: Michael Theves
* 1949 - 1963: Aloysius Biel
* 1963 - 1976: Johannes Wey
* 1976 - 1988: Jos Keilen
*1988 - 1993: Martin Wiltzius (Parverwalter) 
* 1993 - 2000: Théophile Weirich (Parverwalter)
* 2000-2001: Felix Steichen (Parverwalter), Bertrand Deischter (Kaploun)
* 01.09.2001 - 18.12.2002: Théophile Weirich (Parverwalter)
*2002-2003 Fränz Muller (Parverwalter)
* 2003 - 2006: Marcel Groff
* 2003 - 2010: Jean Flies
* 2010 - 2017: Jean-Marie Belanga

== Kuckt och ==
* [[Lëscht vu reliéise Gebaier zu Lëtzebuerg]]
* [[Lëscht vun de Lëtzebuerger Paren]]
*[[Lëscht vun de fréiere Lëtzebuerger Paren]]
* [[Lëscht vun den nationale Monumenter an der Gemeng Waldbriedemes]]

== Um Spaweck ==
{{Commonscat|Église de l'Immaculée-Conception (Trintange)|{{PAGENAME}}}}
* [https://web.cathol.lu/rubrique46 Websait vun der Par Drailännereck Musel a Ganer]
* [http://www.glasmalerei-ev.de/pages/b2229/b2229.shtml D'Fënstere vun der Kapell vun Trënteng op der Websäit vun der ''Stiftung Forschungsstelle Glasmalerei des 20. Jh. e.&nbsp;V.''] {{de}}
* [http://www.orgues.lu/index.php?option=com_content&view=article&id=263:trintingen&catid=91&Itemid=471 D'Uergel vun der Kierch op ''Orgues.lu'']

== Biller ==
<gallery>
KräiKlauIers.JPG|[[Kräizegungsgrupp]] vun engem onbekannte Kënschtler, déi fréier an der [[Kapell Trënteng|Klaus-Kapell]] um Stiewesbierg zu Ierseng stoung
HaaptaKieTrr.JPG|En Deel vum Haaptaltor aus der Kierch vun Trënteng
</gallery>
{{Referenzen}}

[[Kategorie:Kierchen zu Lëtzebuerg no Uertschaft|Trenteng]]
[[Kategorie:Gemeng Bous-Waldbriedemes]]
[[Kategorie:Bauwierker 1857]]
[[Kategorie:Klasséiert Kierchen a Kapellen|Kierch Trenteng]]
[[Kategorie:Kierchen a Kapellen am Dekanat Osten]]