Quelltext vun der Säit Kommunistesch Partei Lëtzebuerg weisen

{{Infobox Partei
 | Numm = Kommunistesch Partei Lëtzebuerg
 | Logo = Kommunistesch Partei Letzebuerg Logo.svg
 | Faarfcode = red
 | Ofkierzung = KPL
 | President = [[Ali Ruckert]]
 | Vizepresident = [[Gilbert Simonelli]]
 | Tresorière = [[Georgette Schweich]]
 | Gegrënnt = [[2. Januar]] [[1921]]
 | Ideologien = [[Kommunismus]]<br>[[Marxismus–Leninismus]]
 | Parteizentral = 3, rue Zénon Bernard <br>L-4030 [[Esch-Uelzecht]]
 | Websäit = [http://kommunisten.lu http://kommunisten.lu]
 | Land = Lëtzebuerg
 | Jugendorganisatioun = [[déi jonk Kommunisten]]
 | Politesch Positioun = [[Lénksextremismus]]
 | International Affiliatiounen = [[Internationaalt Treffe vu Kommunisteschen a Aarbechterparteien]]<br>[[Internationale kommunistesche Seminaire]]
 | Faarf = Rout
 | Sëtz1_Titel = [[Chamber]]
 | Sëtz1 = {{Infobox Partei/Sëtz|0|60|hex=#FF0000}}
 | Sëtz2_Titel = [[Europaparlament]]
 | Sëtz2 = {{Infobox Partei/Sëtz|0|60|hex=#FF0000}}

}}
D''''Kommunistesch Partei Lëtzebuerg''' ('''KPL''') ass eng [[Politesch Parteien zu Lëtzebuerg|Lëtzebuerger politesch Partei]].

== Geschicht ==

D'Kommunistesch Partei Lëtzebuerg ass den [[2. Januar]] [[1921]] zu [[Nidderkuer]], duerch eng Ofspléckung vun der [[Lëtzebuerger Sozialistesch Aarbechterpartei|Sozialistescher Partei]], gegrënnt ginn.

An der [[Tëschekrichszäit]] hat s'et net einfach: den [[Zénon Bernard (1893)|Zénon Bernard]], hiren éischten Deputéierten, deen [[1934]] an d'[[Chamber]] gewielt gouf, krut säi Mandat entzunn, an e Versuch vun der konservativer [[Regierung Bech|Bech-Regierung]], d'KPL duerch e Gesetz verbidden ze loossen, gouf [[1937]] duerch den Ausgang vum [[Referendumen zu Lëtzebuerg|Referendum]] zum ''Uerdnungsgesetz'' (besser bekannt als ''[[Maulkuerfgesetz]]'') knapps verhënnert.<ref>Déi Lénk: [http://www.dei-lenk.lu/node/1426/campaign-monitor ''"Das Maulkorbgesetz: Daten und Fakten"'']</ref>

Am [[Zweete Weltkrich]] war d'KPL vum Nazi-Okkupant verbueden, an hir Memberen hu missen ënnerdauchen. Vill vun hinnen hu sech, nom [[Operatioun Barbarossa|Nazi-Iwwerfall a Russland]] am Juni [[1941]], an der [[Resistenz (Politik)|Resistenz]] organiséiert.<ref>Histoprim: [https://web.archive.org/web/20080617105429/http://histoprim.cte.lu/lehrer/wk12.html ''"Die organisierte Resistenz in Luxemburg"'']</ref> Nom Krich ass hir dat ugerechent ginn, a si gouf e feste Bestanddeel vun der Lëtzebuerger Parteielandschaft. Trotz der Polariséierung am [[Kale Krich]] hat si am Aarbechtermilieu trei Unhänger. [[1968]] hat d'KPL sechs Deputéierten an der Chamber, an a Südgemenge wéi zu [[Esch-Uelzecht|Esch]] war si am Schäfferot an huet heiansdo och de Buergermeeschter gestallt.

Nom Zesummebroch vum [[Kommunismus]] an Osteuropa an an der [[Sowjetunioun]], ëm [[1990]], ass et och mat der KPL rapid biergof gaangen. Dozou hunn och Spléckunge bäigedroen: en Deel vun hire Memberen, wéi den [[André Hoffmann (Politiker)|André Hoffmann]], déi eng méi kritesch Analys vum [[Stalinismus]] haten, hunn 1993 d'[[Nei Lénk]] gegrënnt. Souwuel d'KPL wéi Nei Lénk hu sech [[1994]] un de Chamberwale bedeelegt (mä d'Nei Lénk just am Bezierk Süden): d'Nei Lénk krut kee Sëtz an d'KPL huet hire leschte Sëtz verluer a war fir d'éischt Kéier an der Nokrichszäit net méi an der Chamber.

[[1999]] gouf [[Déi Lénk]] gegrënnt, un där sech och d'KPL bedeelegt huet. Zesummen hunn déi zwou Formatiounen nach vun [[1999]]-[[2004]] een Deputéierte "gedeelt"; 2004 konnte se sech net méi op e Walbündnis eenegen, a weeder Déi Lénk nach d'KPL ware fir d'Legislaturperiod 2004-2009 duerch en Deputéierte vertrueden. Och 2009, 2013, 2018 an 2023 gouf kee KPL-Deputéierten an d'Chamber gewielt.

No de [[Gemengewalen]] 2017 war d'KPL an de Gemengeréit vun zwou Stied vertrueden: Zu [[Gemeng Déifferdeng|Déifferdeng]] an zu [[Gemeng Rëmeleng|Rëmeleng]]. An der leschtgenannter war se, a Koalitioun mat der [[Lëtzebuerger Sozialistesch Aarbechterpartei|LSAP]], am [[Schäfferot]].

Bei de Wale vun 2023 gouf en [[Ali Ruckert]] zu Déifferdeng net méi erëmgewielt. Zu Rëmeleng krut d'KPL zwar nach ee Sëtz; well awer d'LSAP d'absolut Majoritéit am Gemengerot kritt huet, ass d'KPL mat hirem eenzege Sëtz nees just am Gemengerot vertrueden.

Den 2. Januar 2021 gouf zum 100järege Bestoe vun der Partei zu [[Nidderkuer]] an der Hiel, genee virun deem Café, an deem d'KPL den 2. Januar 1921 gegrënnt gouf, e Monument ageweit. Op der Plack steet geschriwwen:
<blockquote> ''1921 - 2021 Den 2. Januar 1921 ass zu Nidderkuer an der Rue de Longwy op Nummer 25 d'Kommunistesch Partei vu Lëtzebuerg (KPL) gegrënnt gin'' {{sic}}</blockquote> Et goufen och rout [[Oeillete]] néiergeluecht.<ref>[https://www.rtl.lu/news/national/a/1639022.html Jeannot Ries, ''100 Joer KPL, Eng Geschicht mat Héichten an Déiften''], gelies op RTL.lu de 4. Januar 2021</ref>

== Literatur zum Theema ==
* Laboulle, Luc: "Zum letzten Gefecht." in: ''d'Lëtzebuerger Land'' 70. Jg. Nr.26, 30.06.2023, S.6.
* [[Stéphanie Kovacs|Kovacs, Stéphanie]]: ''Communisme et anticommunisme au Luxembourg 1917-1932'', Lëtzebuerg, Rapidpress, 2002, 457 Säiten
* Kovacs, Stéphanie: ''L'extrème gauche au pouvoir. Stratégie et politique du Parti Communiste Luxembourgeois de la fin de la Seconde Guerre Mondiale au début de la guerre froide (1945-1947).'' Luxembourg 2010.
* [[Ali Ruckert|Ruckert, Ali]]: ''Geschichte der Kommunistischen Partei Luxemburgs, Teil I: 1921-1946'', Lëtzebuerg, KPL, 2006, 176 Säiten
* Ruckert, Ali: ''Geschichte der Kommunistischen Partei Luxemburgs, Teil II: 1947-1954'', Lëtzebuerg, KPL, 2007, 176 Säiten
* Ruckert, Ali: ''Geschichte der Kommunistischen Partei Luxemburgs, Teil III: 1955-1960'', Lëtzebuerg, KPL, 2010, 176 Säiten
* Ruckert, Ali: ''100 Joer KPL: Die Geschichte einer revolutionären Partei. Teil 1: 1921-1970'', Lëtzebuerg, KPL, 2021.

== Kuckt och ==
* [[Jeunesse communiste luxembourgoise]] (JCL/Déi Jonk Kommunisten), d'Jugendorganisatioun vun der KPL
* [[Zeitung vum Lëtzebuerger Vollek]]
* [[Déi Lénk]]
* [[Kommunismus]]

== Um Spaweck ==
{{Commonscat}}
* [http://kommunisten.lu Websäit vun der KPL]
* [https://web.archive.org/web/20160304224450/http://www.kp-l.org/jeunesse%20communiste2.html Websäit vun der JCL]
* Nicolas Anen: [https://www.wort.lu/de/lokales/vor-100-jahren-wurde-in-niederkorn-die-kpl-gegruendet-5fedac60de135b92363ee081 "Vor 100 Jahren wurde in Niederkorn die KPL gegründet."] wort.lu, 2. Januar 2021
* Marc Hoscheid: [https://www.wort.lu/de/politik/ali-ruckert-den-kapitalismus-abschaffen-5fec3d97de135b92368ad4c6 "Ali Ruckert: Den Kapitalismus abschaffen."] wort.lu de 4. Januar 2021, och am ''[[Luxemburger Wort]]'', 4. Januar 2021, S. 2.
* Luc Laboulle: "[https://www.land.lu/page/article/768/337768/FRE/index.html "Hört die Signale."] ''d'Lëtzebuerger Land'', Nr.7, 19.02.2021, S.6.
{{Autoritéitskontroll}}
{{Navigatioun Politesch Parteien zu Lëtzebuerg}}
{{Referenzen}}

[[Kategorie:Politesch Parteien zu Lëtzebuerg]]
[[Kategorie:Kommunistesch Parteien]]