Quelltext vun der Säit Le Havre weisen

{{Aner Bedeitungen op Mooss|der Stad Le Havre|dem Kaurismäki säi Film|Le Havre (Film)}}
{{Infobox Uertschaft Frankräich
 | Numm = Le Havre
 | Wopen = Blason ville fr Le Havre (Seine-Maritime).svg
 | Regioun = {{Normandie}}
 | Departement = {{Seine-Maritime}}
 | Arrondissement = [[Arrondissement Le Havre|Le Havre]] ([[Chef-lieu]])
 | Kanton = 9 Kantone vu Le Havre
 | Insee = 76351
 | Plz = 76600, 76610, 76620
[[Communauté d'Agglomération Havrais|CODAH]]
 | Koordinaten = {{coor dms|49|29|24|N|0|06|00|O}}
 | Fläch = 46,95
 | Bevëlkerung =172 807
 | Bevëlkerungsdatum = [[2014]]
 |Bild = Le Havre.jpg
 | Bildtext = Le Havre mat Plage
}}

'''Le Havre''' ass eng [[Gemeng (Frankräich)|Gemeng]] am Nordweste vu [[Frankräich]], an der Regioun [[Normandie]], um rietsen Uwänner vun der Mëndung vun der [[Seine]] an den [[Äermelkanal]], an um nordwestleche Wupp vun der natierlecher Regioun [[Pays de Caux]]. Hiren Hafen ass, no deem vu Marseille, deen zweetgréisste vu Frankräich, wat de Gesamttrafic ugeet, an dee gréisste, wat de [[Container]]trafic betrëfft.

Verwaltungsméisseg ass d'Gemeng, mat [[Dieppe (Seine-Maritime)|Dieppe]], eng vun den zwou Ënnerprefekture vum [[Departement Seine-Maritime]]. Si ass och [[Chef-lieu]] vun 9 Kantonen an e [[Bëschof]]ssëtz.

D'Stad an den Hafe goufe 1517 vum [[François I. vu Frankräich|François I.]] gegrënnt. Bis un d'Enn vum 18. Joerhonnert hunn d'[[Reliounskricher]], Kricher mat England an Epidemien eng schëtzeg Entwécklung verhënnert. Dës koum mam [[Sklavenhandel]], dono mam Handel allgemeng.

1944 gouf Le Havre vun der [[Royal Air Force]] duerch Bomme bal ganz zerstéiert. Dem Architekt [[Auguste Perret]] säin Atelier huet d'Stad aus Bëtong nees opgebaut. Bis ëm 1970 huet d'Chimiesindustrie an d'Autoskonstruktioun d'Stad opliewe gelooss. Zanterhier goung et mam Schëffbau biergof, an de Chômage an d'Luucht. Zanter den 1990er gi vill Efforte gemaach fir d'Ekonomie ze restrukturéieren: [[Tertiärsektor]], [[Aeronautik]], [[Wandenergie]]. Den Hafe gouf ausgebaut fir méi grouss Containerschëffer opzehuelen, d'Aarbechterquartieren am Süde goufe renovéiert (déi al [[Dock]]e goufen ëmfonctionéiert), an de Schëffsbau huet nees ugezunn.

Ëstlech an nërdlech vum Zentrum sinn d'Quartieren Danton, Saint-Vincent, Graville, Massillon, asw.) déi net am Zweete Weltkrich zerstéiert goufen, an déi typesch Elementer vun der Zillenarchitektur vum 19. an ufanks 20. Joerhonnert Opweises hunn.

2005 gouf den nees opgebauten Zentrum vun der [[Unesco]] als [[Weltierwen|Kulturweltierwe]] klasséiert. De [[Musée fir Modern Konscht André-Malraux]] gouf deen zweetgréissten a Frankräich, wat [[Impressionismus|impressionistesch Molerei]] betrëfft.

Kuckeswäert ass och d'[[Maison de la Culture du Havre]], déi 1982 vum [[Oscar Niemeyer]] entworf gouf. Ëm d'Joerdausendwenn gouf och de Garer Quartier moderniséiert, mat vill modernen Neibauten ([[Universtéit Le Havre]], [[École de management de Normandie]], Conservatoire, Firmesëtzer,...).

An d'Nopeschgemeng [[Honfleur]] um lénksen Uwänner vun der Seine kënnt een iwwer de [[Pont de Normandie]].
== Um Spaweck ==
{{Commonscat}}
{{Kuckt och Seine-Maritime}}

[[Kategorie:Stied an der Normandie]]
[[Kategorie:Franséisch Hafestied]]
[[Kategorie:Uertschaften am Departement Seine-Maritime]]
[[Kategorie:Universitéitsstied a Frankräich]]
[[Kategorie:Weltkulturierwen a Frankräich]]
[[Kategorie:Etappestied vum Tour de France]]