Quelltext vun der Säit Mexikanesch Verdeedegung weisen

{{Infobox Schacherëffnung
| Bild = {{Schachdiagramm||
|rd| |bd|qd|kd|bd| |rd
|pd|pd|pd|pd|pd|pd|pd|pd
| | |nd| | |nd| | 
| | | | | | | | 
| | |pl|pl| | | | 
| | | | | | | | 
|pl|pl| | |pl|pl|pl|pl
|rl|nl|bl|ql|kl|bl|nl|rl
}}
| Aner Nimm = Tango, Kevitz-Trajkovic-Verdeedegung
| Zich = 1. d4 Sf6 2. c4 Sc6
| ECO = A50
| Benannt no = [[Mexiko]]
| Originn = [[Friedrich Sämisch]] - [[Carlos Torre Repetto]], [[Baden-Baden]] 1925
| Entsteet aus = [[Indesch Verdeedegung]]
}}
D''''Mexikanesch Verdeedegung''' ass eng [[Erëffnung (Schach)|Erëffnung]] vum [[Schach]]spill. Se zielt zu den [[Zouent Spill (Schach)|Zouene Spiller]] an ass an den [[ECO-Code]]n ënner dem Schlëssel A50 klassifizéiert.

D'Mexikanesch Verdeedegung fänkt mat de follgenden Zich un:

:'''1. d4 Sf6'''
:'''2. c4 Sc6'''

D'Mexikanesch Verdeedegung kann och duerch [[Zuchëmstellung]] iwwer 1. d4 Sc6 2. c4 Sf6 erreecht ginn, wat Wäiss allerdéngs d'Méiglechkeet gëtt 2. d5 ze spillen.

== Geschicht ==
D'Mexikanesch Verdeedegung huet hiren Ursprong an den 1920er Joren, wou se souwuel vum [[Mexiko|mexikanesche]] [[Groussmeeschter (Schach)|Groussmeeschter]] [[Carlos Torre Repetto]] (dohier den Numm „Mexikanesch Verdeedegung“),<ref name="chessgames.com">[http://www.chessgames.com/perl/chessgame?gid=1007185 "Friedrich Samisch vs Carlos Torre-Repetto (1925)"] Chessgames.com</ref> wéi och vum [[Vereenegt Staate vun Amerika|US-amerikanesche]] Meeschter [[Alexander Kevitz]] (de „Kevitz“ am Numm „Kevitz-Trajkovic Verdeedegung“). Méi spéit gouf se vum [[Jugoslawien|jugoslawesche]] Meeschter Mihailo Trajkovic<ref>Palliser, S. 10</ref> a vum [[Sowjetunioun|sowjetesche]] Groussmeeschter [[Anatoli Stepanowitsch Lutikow|Anatoli Lutikow]] gespillt. Nodeem se joerzéngtelaang aus der Turnéierpraxis verschwonne war, huet den [[Internationale Meeschter]] [[Georgi Orlov]] jeeweils 1992 an 1998 eng Broschür an en erfollegräicht Buch iwwer d'Mexikanesch Verdeedegung geschriwwen an huet se ''Black Knights' Tango'' genannt. Zanter 1992 gouf dës Erëffnung vun enger ganzer Rei staark Groussmeeschtere gespillt, dorënner de [[Viktor Bologan]], de [[Joel Benjamin]], de [[Larry Christiansen]] an den [[Alex Yermolinsky]]<ref>Palliser, S. 7, 10</ref>, deen d'Mexikanesch Verdeedegung souguer géint de [[Garri Kimowitsch Kasparow|Garri Kasparow]] bei der [[Schacholympiad]] zu [[Eriwan]] 1996 gewot huet.<ref>[http://www.chessgames.com/perl/chessgame?gid=1070849 "Garry Kasparov vs Alex Yermolinsky (1996)"] Chessgames.com</ref>

== Grondiddien ==
Obwuel et eng relativ seelen Erëffnung ass, huet den „Tango“ méi eng fundéiert positionell Basis wéi déi meescht aner onkonventionell Erëffnungen: Schwaarz entwéckelt sech séier, huet eng flexibel Bauerestruktur an ass prett, am [[Zentrum (Schach)|Zentrum]] mat 3.... e5,... e6 oder... d5 zeréckzeschloen. D'Mexikanesch Verdeedegung huet verschidden eegestänneg Varianten, geet awer dacks duerch [[Zuchëmstellung]] an aner Erëffnungen iwwer, wéi zum Beispill d'[[Kinneksindesch Verdeedegung]], d'[[Nimzowitsch-Indesch Verdeedegung|Nimzo-Indesch Verdeedegung]], d'[[Bogoljubow-Indesch Verdeedegung|Bogo-Indesch Verdeedegung]], d'[[Tschigorin-Verdeedegung]], d'[[Englesch Erëffnung]] oder d'[[Ofgeleent Dammegambit#Ragosin-Variant|Ragosin-Variant]] vum [[Ofgeleent Dammegambit|ofgeleenten Dammegambit]].

== Varianten ==
=== Kinneksspréngervariant ===
{{Schachdiagramm|tright|
 |rd| |bd|qd|kd|bd| |rd
 |pd|pd|pd|pd|pd|pd|pd|pd
 | | |nd| | |nd| | 
 | | | | | | | | 
 | | |pl|pl| | | | 
 | | | | | |nl| | 
 |pl|pl| | |pl|pl|pl|pl
 |rl|nl|bl|ql|kl|bl| |rl
| Kinneksspréngervariant
}}
* 1. d4 Sf6 2. c4 Sc6 3. Sf3
Dëst ass déi meeschtgespillte Variant<ref name=PS82>Palliser, S. 82</ref>, well se den thematesche Géigeschlag am Zentrum duerch 3.... e5 verhënnert. Schwaarz äntwert dohier an der Reegel mat 3.... e6, obwuel den Iwwergang mat 3.... d6 an eng Art [[Alindesch Verdeedegung]] och méiglech ass.<ref name=PS82/>{{,}}<ref>Orlov 1998, S. 53-54</ref> No 3.... e6 féiert 4. Sc3 Lb4 zu enger Niewevariant vum [[Nimzowitsch-Indesch Verdeedegung#Dräi-Sprénger-Variant|Dräi-Sprénger-Variant]] vun der [[Nimzowitsch-Indesch Verdeedegung|Nimzo-Indescher Verdeedegung]].<ref>Palliser, S. 92</ref>{{,}}<ref>Orlov 1998, S. 80</ref> No 4. a3 ka Schwaarz mat 4.... d5 an een [[Ofgeleent Dammegambit]] iwwergoen oder 4.... d6 spille fir ee spéideren e5 virzebereeden oder fir mat 5.... g6 an eng Art [[Kinneksindesch Verdeedegung]] iwwerzeleeden<ref>Palliser, S. 176</ref>{{,}}<ref>Orlov 1998, S. 115-118</ref>, wéi de [[Viktor Bologan]] et dacks gemaach huet. 4. g3 féiert no 4.... Lb4+ 5. Sc3 erëm zu enger [[Nimzowitsch-Indesch Verdeedegung|Nimzo-Indescher]] Niewevariant oder no 5. Ld2 oder 5. Sbd2 zu enger [[Bogoljubow-Indesch]]er Niewevariant.<ref name=P159>Palliser, S. 159</ref>{{,}}<ref>Orlov 1998, S. 60-61, 80</ref> Eng aner Méiglechkeet ass et, mat 4.... d5 an d'[[Katalanesch Erëffnung]] iwwerzegoen, wéi vum Palliser recommandéiert.<ref name=P159/>{{,}}<ref>Orlov 1998 S. 59-60</ref>

=== Dammespréngervariant ===
{{Schachdiagramm|tright|
 |rd| |bd|qd|kd|bd| |rd
 |pd|pd|pd|pd|pd|pd|pd|pd
 | | |nd| | |nd| | 
 | | | | | | | | 
 | | |pl|pl| | | | 
 | | |nl| | | | | 
 |pl|pl| | |pl|pl|pl|pl
 |rl| |bl|ql|kl|bl|nl|rl
| Dammespréngervariant
}}
* 1. d4 Sf6 2. c4 Sc6 3. Sc3
Dëst ass déi zweetheefegst wäiss Äntwert.<ref>Orlov 1998, S. 26</ref> Nom themateschen 3.... e5 ka Wäiss mat 4. Sf3 an d'[[Englesch Erëffnung]] iwwergoen<ref name=P76>Palliser, S. 76</ref>, wourop de Palliser 4.... e4!? recommandéiert<ref name=P76/>, wougéint den Orlov et virzitt déi komplex Haaptvariant 4.... exd4 5. Sxd4 Lb4 ze spillen.<ref>Orlov 1998, S. 27</ref> D'Haaptvariant vun der Mexikanescher Verdeedegung ass allerdéngs 4. d5 Se7<ref>Orlov 1998, S. 28</ref>, wourop d'Partie an „Tango“-Manéier weidergoe kann, zum Beispill mat 5. Sf3 Sg6, oder an d'[[Kinneksindesch Verdeedegung]] iwwergoe kann, zum Beispill mat 5. Sf3 d6 6. e4 (oder 6. Lg5!?) g6 7. Le2 Lg7 8. 0-0 0-0, wouduerch d'Haaptvariant vum Kinneksindeschen duerch Zuchëmstellung erreecht gëtt.<ref>Orlov 1998, S. 34-35</ref> Géint déi zwou Approchë geriicht ass den Zuch 5. h4, deen och méi spéit geschéie kann, wa Schwaarz festgeluecht huet, ob en e Sprénger oder e Bauer op g6 stellt.

Eng aner interessant, mä relativ onerfuerschten Iddi ass 3.... e6, wat et Wäiss erlaabt 4. e4 ze spillen (aner Zich wéi 4. d5, 4. Lg5, 4. a3, 4. f3 a 4. Sf3 sinn och méiglech), wourop Schwaarz mat 4.... d5 äntwert. An där Stellung sinn d'Haaptméiglechkeeten 5. e5 (d'Haaptvariant), 5. exd5, 5. cxd5 an 5. Lg5. Déi doraus resultéierend Stellunge kënne gréisstendeels och duerch Zuchëmstellung iwwer d'[[Mikenas-Ugrëff|Flohr-Mikenas-Variant]] vun der [[Englesch Erëffnung|Englescher Erëffnung]] (1. c4 Sf6 2. Sc3 e6 3. e4) erreecht ginn, allerdéngs ass 1. d4 Sf6 2. c4 e6 3. Sc3 Sc6 déi optimal Zuchreiefolleg, wa Schwaarz sou spille well.

=== Virstoussvariant ===
{{Schachdiagramm|tright|
 |rd| |bd|qd|kd|bd| |rd
 |pd|pd|pd|pd|pd|pd|pd|pd
 | | |nd| | |nd| | 
 | | | |pl| | | | 
 | | |pl| | | | | 
 | | | | | | | | 
 |pl|pl| | |pl|pl|pl|pl
 |rl|nl|bl|ql|kl|bl|nl|rl
| Virstoussvariant
}}
* 1. d4 Sf6 2. c4 Sc6 3. d5
Dës ambitionéiert Variant ass spillbar, gëtt awer seele gesinn.<ref>Palliser, S. 55</ref> Schwaarz äntwert normalerweis mat 3.... Se5. No 4. e4 (wourop 4.... Sxe4? 5. Dd4 e Sprénger gewënnt) huet Schwaarz mat 4.... Sg6 5. f4 e5 am Zentrum zeréckgeschloen an der Stammpartie Sämisch - Torre, Baden-Baden 1925.<ref name="chessgames.com"/> Trotzdeem si souwuel den Orlov, wéi och de Palliser der Meenung, datt 4.... e6, wat zu extreem schaarfe Spill féiere kann, besser gewiescht wier.<ref>Orlov 1998, S. 8</ref>{{,}}<ref>Palliser, S. 66</ref>

== Partien ==
* [http://www.chessgames.com/perl/chessgame?gid=1007185 Friedrich Sämisch - Carlos Torre Repetto, Baden-Baden 1925]
* [http://www.chessgames.com/perl/chessgame?gid=1389777 Moshe Czerniak - Anatoly S Lutikov, IBM B 1968]
* [http://www.chessgames.com/perl/chessgame?gid=1389807 Jindrich Trapl - Anatoly S Lutikov, Warsaw Armies Championship 1969]
* [http://www.chessgames.com/perl/chessgame?gid=1389799 Wolfgang Uhlmann - Anatoly S Lutikov, Sarajevo 1969]
* [http://www.chessgames.com/perl/chessgame?gid=1070849 Garry Kasparov - Alex Yermolinsky, Yerevan Olympiad 1996]

== Literatur ==
* Georgi Orlov: ''Black Knights' Tango'', International Chess Enterprises, 1992. ISBN 1-879479-03-6
* Georgi Orlov: ''The Black Knight's Tango: Outwit Your Opponents from Move 2!''. Batsford, 1998. ISBN 0-7134-8349-0
* Richard Palliser: ''Tango! A Dynamic Answer tod4''. Everyman Chess, 2005. ISBN 1-85744-388-8

== Kuckt och ==
* [[Schachnotatioun]]

== Um Spaweck ==
* [https://web.archive.org/web/20101124131710/http://jeremysilman.com/chess_opng_shrtcts/01_black_knights_tango.html „The Black Knights Tango, Part One“ vum Joel Benjamin] {{en}}
* [https://web.archive.org/web/20101124125003/http://jeremysilman.com/chess_opng_shrtcts/040424_black_knights_tango.html „The Black Knights Tango, Part Two“ vum Joel Benjamin] {{en}}
* [https://web.archive.org/web/20101124113206/http://jeremysilman.com/chess_opng_shrtcts/040528_black_knights_tango_3.html „The Black Knights Tango, Part Three“ vum Joel Benjamin] {{en}}
* [https://web.archive.org/web/20101124121215/http://jeremysilman.com/chess_opng_shrtcts/040731_black_knights_tango_4.html „The Black Knights Tango, Part Four“ vum Joel Benjamin] {{en}}

{{Referenzen}}

[[Kategorie:Schacherëffnungen]]